Vitoria de ouro para un Arxil que foi superior ao Avilés tras o terceiro acto (69-55)
Por Cristina Saiz & Almu Dapena
O Club Baloncesto Arxil conseguiu este sábado unha vitoria vital na súa loita pola permanencia en Liga Feminina 2. Aínda que as de Mayte Méndez chegaban con malas sensacións á cita co Avilés, lograron facerse cunha vitoria de ouro fronte a un rival directo.
Natalia López foi a encargada de abrir o marcador cun triplo e, aínda que non foi capaz de escaparse con claridade ata despois do descanso, o Arxil da -pista era diferente ao de ocasións anteriores. Tiñan o dominio do marcador a pesar de que o Avilés lograba responder cada ataque verde evitando que pisasen o acelerador. Foi así como, cunha diferenza de tan só punto, chegouse ao final do segundo acto (30-29).
Tras o descanso todo cambiou. Aínda que o Arxil sufriu nos primeiros minutos chegando a ir por detrás no luminoso cunha pequena diferenza de ata 3 puntos, esta vez si que foron capaces de reaccionar para aumentar a renda fronte ao seu rival (48-41).
O último cuarto seguiu a tónica do terceiro. As de Pontevedra gustábanse e aumentaron a intensidade no xogo e, con Sara Castro (17 puntos) acertada de fronte ao aro, lograron, ao fin, a súa terceira vitoria esta tempada (69-55).
Consulta as estatísticas do CB Arxil-Avilés
Relacionadas:
-
Os erros puntuais no último cuarto condenan o Arxil ante o Ferrol (81-60)
Por Almu Dapena |
-
O Arxil comeza o ano visitando o líder invicto, o Baxi Ferrol
Por Redacción |
-
Unha arxilista, no 'all star' da Primeira Nacional de baloncesto
Por Redacción |
-
Inxusta derrota do Arxil que ofreceu a súa mellor imaxe ata o momento ante o Ardoi de Navarra (75-72)
Por Almu Dapena |
-
A visita do Avilés, partido clave do Arxil para abandonar os postos de descenso
Por Redacción |
-
O Arxil encaixa a súa cuarta derrota consecutiva ao caer fronte ao Barakaldo (55-74)
Por Redacción & Cristina Saiz |
-
O Arxil buscará romper a serie de derrotas na cancha do Azkoitia Azpeitia ISB
Por Redacción |
-
Derrota do Arxil ante o recentemente ascendido Tenerife tras un desastroso terceiro cuarto (57-67)
Por Redacción & Cristina Saiz |