Preocupación no Concello ante a posibilidade de ter que "reprogramar todo e prescindir dalgúns eventos" deportivos
Por Diego Espiño
O calendario de grandes eventos deportivos de Pontevedra, polo que se apostou nas últimas tempadas desde o Concello, está no aire debido á crise sanitaria provocada pola expansión do coronavirus Covid-19.
Así o recoñece o concelleiro de Deportes, Tino Fernández, pensando máis aló das citas deportivas suspendidas no mes de marzo e fixando o seu horizonte nas probas programadas para os meses de abril, maio e mesmo xuño.
"Preocúpame o mes de maio, con campionatos de piragüismo (Copa de España de Maratón, Copa de España Sprint Olímpico e tamén Novas Promesas), e temos un Nacional de ximnasia (acrobática) para mediados de xuño que esperemos que non se vexa afectado", recoñece o edil.
"Algúns van ser cancelados definitivamente, como os Xogos Nacionais de Trasplantados que ía ser a finais de abril, e hai outros que veremos a posibilidade de irnos adaptando a outras datas do ano, aínda correndo o risco de que non sabemos canto vai durar isto", recoñeceu o responsable do deporte municipal.
En abril estaba previsto o Campionato Galego de Atletismo (19 de abril) e a principios de maio unha cita propia do calendario local como a Pontevedra 4 Picos de BTT (9 de maio) que "tal e como veñen as cousas probablemente non poida celebrarse por exemplo porque non nos vai a dar moito tempo. Oxalá".
Chegados a este punto haberá que facer encaixe de palillos para atopar un oco no calendario local e no uso das instalacións na segunda metade de 2020, datas ás que se se pode trasladaranse algúns dos campionatos dada a súa transcendencia e impacto económico. Un extremo complicado que fará que "probablemente nos vexamos obrigados a sentarnos, reprogramar todo e prescindir dalgúns eventos", avanza Tino Fernández.
Todo iso tendo en cuenta a variable que supón, en canto ao uso das instalacións municipais, o que suceda coas ligas dos diferentes equipos da cidade e que a día de hoxe permanecen tamén suspendidas. Un problema de difícil solución pero que en todo caso pasa por vencer entre todos e canto antes ao ditoso coronavirus.
Relacionadas:
-
O Concello conta con non poder organizar eventos deportivos polo menos ata o mes de agosto
Por Diego Espiño |
-
O limbo en que permanecen as vodas, comuñóns e bautizos
Por Manu Otero & Marisa Ciordia |
-
Suspendido o campionato de España de ximnasia acrobática que ía acoller Pontevedra en xuño
Por Redacción |
-
O atletismo español exponse xa dar por perdida toda a tempada
Por Redacción |
-
Okutu, Hurtado, Casañas e Andrea González, nominados a atletas galegos do ano
Por Manu Otero |
-
Aprazada ata o 12 de setembro a Pontevedra 4 Picos Bike
Por Redacción |
-
O atletismo autonómico prolonga "ata novo aviso" a suspensión de todas as súas competicións
Por Redacción |
-
A Pontevedrada, aprazada sen data por precaución ante o coronavirus
Por Redacción |
-
Pontevedra manterá as súas obras para "non paralizar" a economía municipal
Por Redacción |
-
Es deportista? Aquí van unhas recomendacións para non perder a forma mentres dure o estado de alarma
Por Diego Espiño |
-
A Federación de Piragüismo cancela os selectivos nacionais, claves para os Xogos Olímpicos
Por Almu Dapena |
-
O Centro Galego de Tecnificación Deportiva suspende a súa actividade e pecha a residencia polo coronavirus
Por Redacción |
-
Pontevedra pecha polo coronavirus as súas instalacións deportivas e centros sociocomunitarios
Por Alejandro Espiño |
-
Suspenden polo coronavirus os Xogos Nacionais de Trasplantados que se ían celebrar en Pontevedra
Por Diego Espiño |
-
Pontevedra, capital do piragüismo nacional durante 2020
Por Diego Espiño |
-
Pontevedra organizará en xullo o Campionato de Europa de Fútbol Gaélico
Por Diego Espiño |
-
O Nacional Sénior de Loita, novo evento para o calendario deportivo de Pontevedra en 2020
Por Diego Espiño |