Carol Agulla e Antía Pérez pasan o último corte e estarán nos Xogos Olímpicos da Mocidade
Por Diego Espiño
O Poio Pescamar terá dúas representantes nos próximos Xogos Olímpicos da Mocidade, que se disputarán a principios de outubro na capital arxentina, Bos Aires.
Carolina Agulla e Antía Pérez esquivaron os últimos descartes e foron incluídas este martes na convocatoria oficial de Claudia Pons para a cita internacional.
Aínda que só 10 futbolistas poderán ser inscritas na competición a lista compóñena finalmente 11 xogadoras, entre as que se atopan Agulla e Pérez, habituais nas últimas citas do combinado nacional sub-18.
Ambas poderán estar a disposición Dani Díaz para o debut do Poio Pescamar en liga do próximo sábado na pista do Universidade de Alacante, pero tras a cita deberán desprazarse a Madrid, onde están citadas o domingo 30 de setembro para realizar varios adestramentos na Cidade do Fútbol das Rozas antes de viaxar a Bos Aires o día 3 de outubro.
Se avanzan ata a final a Selección Española permanecerá en Arxentina ata o día 18.
Na primeira fase dos Xogos Olímpicos da Mocidade España medirase ás seleccións de Tonga, Tailandia, Bolivia e Trinidad e Tobago.
Relacionadas:
-
Carol Agulla e Antía Pérez debutan con bo pé nos Xogos Olímpicos da Mocidade
Por Redacción |
-
A representación pontevedresa nos Xogos da Mocidade pon rumbo a Arxentina
Por Redacción |
-
Remontada do Poio Pescamar en Alacante para comezar a liga con bo pé (2-3)
Por Redacción |
-
Os novos equipamentos do Poio Pescamar, estrelas na presentación do equipo
Por Redacción |
-
Carol Agulla e Antía Pérez, carreira cara aos Xogos Olímpicos da Mocidade
Por Redacción |
-
VÍDEO.- A nova camiseta do Poio Pescamar, máis 'conserveira' que nunca
Por Redacción |