Unha xornada especial para o boxeo marinense
Por Redacción
O vindeiro sábado 15 de setembro será un día especial para os afeccionados e practicantes do boxeo en Marín.
O pavillón da Cañota acollerá en horario matinal, unha xornada do Circuíto Galego de Formas para os púxiles máis novos, e nela estará como convidada un dos máximos referentes a nivel nacional, Miriam Gutiérrez.
A boxeadora, cinco veces campioa nacional amateur e actualmente no posto 7 das listas mundiais da WBA a nivel profesional, é todo un exemplo de superación persoal e compartirá experiencias e consellos cos participantes.
Despois, pola tarde e de novo na Cañota, Miriam Rodríguez protagonizará unha clase maxistral cun adestramento técnico e táctico desde as 16:30 horas. O prezo para poder participar é de 15 euros.
O Team Thunder, organizador da xornada xunto á Federación Galega de Boxeo, pretende reunir en Marín máis dun cento de deportistas entre ambas as dúas citas.
Relacionadas:
-
Once nenos do Team Thunder Marín estarán no Nacional de formas de boxeo olímpico
Por Redacción |
-
O boxeo marinense mostra a súa boa saúde
Por Redacción |
-
A xira norteamericana de Aarón González
Por Redacción |
-
Aarón González cede ante Sissoko e queda co bronce no Campionato de España
Por Redacción |