Aarón González cede ante Sissoko e queda co bronce no Campionato de España
Por Redacción
Non puido o marinense Aarón González revalidar o seu título de campión de España elite de boxeo olímpico, ao caer por decisión dos xuíces na semifinal, fronte a Youba Sissoko, recente subcampión dos Xogos do Mediterráneo, o que deixa ao púxil do Team Thunder coa medalla de bronce.
Foi unha gran mañán de boxeo en Córdoba. O combate entre Aarón González e Youba Sissoko foi un duelo no peso welter cun nivel que poucos lembran. Eran moitos quenes o consideraban unha final anticipada e os protagonistas non defraudaron. Sissoko, olímpico en Río e subcampión nos xogos do Mediterráneo e Aarón, actual campión de España. Un duelo épico que fixo que todos gozasen de boxeo de alto nivel.
O combate empezou con Aarón ben armado e contestando todo o que o xigante da selección tiráballe. No segundo asalto o marinense conectou as mellores mans e dominou un asalto que podía ser decisivo.
No terceiro, pese ao dominio do deportista do equipo olímpico, Aarón conectou as mellores mans, que puideron outorgarlle o pase á ansiada final, pero os xuíces decidiron darlle a vitoria ao boxeador do equipo nacional e Aarón González queda cun bronce con sabor a ouro.
Gran combate do galego que recibiu múltiples felicitacións por plantar cara a un dos mellores deportistas do peso welter español. O deportista marinense vaise orgulloso cun bronce e inicia pronto a súa viaxe a EEUU, onde poderá adestrar cos mellores do boxeo mundial.
Relacionadas:
-
Unha xornada especial para o boxeo marinense
Por Redacción |
-
Aarón González finaliza a súa xira en Estados Unidos con bo sabor de boca
Por Redacción |
-
A xira norteamericana de Aarón González
Por Redacción |
-
Aarón González avanza ata as semifinais do Campionato de España de Boxeo
Por Redacción |
-
Aarón González próbase de cara a revalidar o seu título nacional de peso welter
Por Redacción |