BM Pontevedra afúndese na recta final fronte a OAR Coruña (24-34)
Por Redacción
Pagou o BM Pontevedra a súa escasa profundidade de banco cunha dolorosa derrota fronte a OAR Coruña, nun partido disputado ata os últimos 15 minutos, no que os herculinos se escaparon para asinar un resultado cunha diferenza esaxerada (24-34) para o visto na pista do Municipal.
Os de Pedro Pérez inauguraban o marcador, pero foi o único momento en que lograron estar con vantaxe. Inmediatamente OAR tomou o mando cun parcial de 1-7 para conseguir a súa primeira renda importante en moi pouco tempo (2-7, minuto 10), que obrigaba ao técnico local a pedir tempo morto para tentar frear ao conxunto coruñés.
E fíxoo. Os locais achegáronse con dous goles en apenas 30 segundos, provocando a inmediata reacción do banco coruñés, que decidiu á súa vez parar o partido.
Sería o principio do fin para BM Pontevedra. OAR Coruña devolveu a moeda ao conxunto branquiazul e comezou a abrir un pequena pero importante brecha no marcador para chegar ao descanso xa cunha vantaxe de cinco goles (12-17).
Reacción local ao comezo da segunda parte cun parcial de 4-1 para meterse no partido (16-18, minuto 35). Foi o máximo que conseguiu BM Pontevedra. O intercambio de goles durou ata mediado o segundo tempo (19-22, minuto 44), momento en que OAR Coruña, tras un tempo morto, escapouse de forma definitiva ata o 24-34 final.
Relacionadas:
-
Poio Artai tampouco pode con Granitos Ibéricos (19-28) e triunfo agónico do BM Pontevedra no Porriño (26-27)
Por Redacción |
-
Poio Artai volve ás andadas fronte a Bueu (17-33) e BM Pontevedra complícase ao ceder ante a S.A.R. (28-30)
Por Redacción |
-
BM Pontevedra paga coa derrota os seus erros en Bueu (31-27) e Poio Artai compite pero cae en Lalín (34-26)
Por Redacción |
-
Sen opcións BM Pontevedra en Chapela (29-19) nin Poio Artai ante Seis do Nadal Coia (17-33)
Por Redacción |