Derrotas claras de BM Pontevedra ante Luceros (22-28) e Poio Artai na Cañiza (32-25)
Por Redacción
Enterrou o BM Pontevedra as súas opcións de vitoria fronte ao Luceros nun moi mal comezo de partido. Os de Pedro Pérez saíron desacertados encaixando un parcial de 0-5 que levou o marcador do 2-1 ao 2-6, aos seis minutos de partido, que sería unha pesada laxa para o resto do choque.
De feito, o equipo de Cangas foi incluso ampliando a súa renda ao longo de todo o primeiro tempo, mandando con autoridade e deixando o partido practicamente sentenciado cun claro 9-17 ao descanso, fiel reflexo do desacerto tanto defensivo como atancante do equipo branquiazul.
Nada máis comezar o segundo tempo os visitantes conseguirían a súa máxima vantaxe (9-18) e a partir de aí, a pesar da melloría do equipo local, as diferenzas xa non baixarían dos catro goles, a falta de poucos minutos para o final, sen que BM Pontevedra lograse entrar no partido con posibilidades en ningún momento.
Consulta aquí as estatísticas completas do partido.
AO POIO ARTAI FÁISELLE LONGO O PARTIDO NA CAÑIZA
Unha vez máis Poio Artai deixa entrever unha lixeira melloría no seu xogo, pero termina cedendo ao non ser capaz de aguantar máis que a primeira parte. Nesta ocasión repetiuse a historia fronte a un dos equipos que se poderían considerar alcanzables para o equipo de Poio, que mantivo baixo control ao seu rival durante 35 minutos, para desfondarse logo e terminar perdendo por un claro 32-25.
A primeira parte estivo presidida pola igualdade. Incluso o Poio Artai levou a iniciativa no primeiro cuarto de hora (4-7 e 5-8), pero a partir de aí comezou o afundimento. BM Cañiza lograría un parcial de 6-0 para poñerse arriba (11-8, minuto 25) e irse ao descanso con marcador favorable (13-10).
Á volta de vestiarios, Poio Artai reduciu lixeiramente, pero a súa reacción terminou no minuto 35, momento en que os locais se foron escapando para terminar gañando con tranquilidade.
Relacionadas:
-
Poio Artai volve ás andadas fronte a Bueu (17-33) e BM Pontevedra complícase ao ceder ante a S.A.R. (28-30)
Por Redacción |
-
BM Pontevedra paga coa derrota os seus erros en Bueu (31-27) e Poio Artai compite pero cae en Lalín (34-26)
Por Redacción |
-
Sen opcións BM Pontevedra en Chapela (29-19) nin Poio Artai ante Seis do Nadal Coia (17-33)
Por Redacción |
-
Calvo Xiria non dá opción a BM Pontevedra (33-22) e Poio Artai cede ao final fronte a Lavadores (23-29)
Por Redacción |
-
Dous puntos de ouro para BM Pontevedra ante BM Artabro (36-24) e nova derrota de Poio Artai (29-25) en Porriño
Por Redacción |
-
Granitos Ibéricos supera a BM Pontevedra (29-27) e Poio Artai sofre outra malleira (18-32) a mans de OAR Coruña
Por Redacción |