Gómez Noya, recibido con honras en Peinador
Por Diego Espiño & Mónica Patxot
Ascendeu, por méritos propios, ao olimpo do deporte nacional, do que xa é considerado como un dos seus grandes referentes históricos, e como tal foi recibido este martes á súa chegada a casa.
Javi Gómez Noya aterrou este martes no aeroporto vigués de Peinador tras lograr en Chicago o seu quinto título mundial de tríatlon, terceiro consecutivo, o que supón "más de lo que nunca hubiera podido imaginar", recoñeceu á súa chegada.
Alí esperábanlle compañeiros de fatigas como os trialetas pontevedreses Pablo Dapena e Saleta Castro, xunto a Diego Paz e Alba Cuba; Jaime Agulló, director do Instituto Municipal de Deportes de Pontevedra; o presidente da Federación Galega; e varios amigos como o tamén pontevedrés Nacho Cons, entre outros, ademais dun bo número de medios de comunicación.
Gómez Noya explicou nas súas primeiras verbas en Galicia que "llevo tiempo sin venir por casa y ahora tengo ganas de estar por aquí y descansar un poco", pero aínda afrontará un par de competicións antes de finalizar a tempada, a primeira esta fin de semana no Desafío Illas Cíes.
Despois si chegará o merecido descanso e pensar no que xa é principal obxectivo, os Xogos Olímpicos de Río 2016: "Después de recuperar toda la preparación irá enfocada a los Juegos de Río y el objetivo será dar mi mejor nivel y hacerlo lo mejor posible allí", recoñeceu.
Javi Gómez Noya: "El día que no tenga ganas de ganar, no tenga ganas de entrenar será el día que me retire pero de momento estoy muy motivado"
En relación á carreira de Chicago, na que conseguiu o título, o campeonísimo galego cualificouna como "la mejor prueba que hice en el año, aunque no pude ganar porque Mario estuvo espectacular", sinalou encomiando o papel do mallorquín Mario Mola, subcampión do Mundo.
Javi Gómez Noya acordouse de familiares, amigos e todos os seus adestradores, que foron claves nos seus éxitos e o serán nos que aínda están por chegar porque asegura ter corda para tempo: "Lo fundamental es tener ganas de seguir ganando, el día que no tenga ganas de ganar, no tenga ganas de entrenar será el día que me retire pero de momento estoy muy motivado", recoñeceu.
Tras abandonar Peinador, Gómez Noya encamiñouse a Pontevedra onde pasará os próximos días e onde recibirá unha homenaxe por parte do Concello, aínda que falta por fixar a data e o lugar para o mesmo.
Relacionadas:
-
Gómez Noya, distinguido como mellor deportista do ano polo Comité Olímpico Español
Por Redacción |
-
Un millonario 'convida' a Gómez Noya a participar nun exclusivo tríatlon na súa casa de Bahamas
Por Diego Espiño |
-
Javier Gómez Noya fará o saque de honra do Pontevedra-Coruxo
Por Redacción |
-
Impulsan unha petición popular para que Javi Gómez Noya reciba o Premio Princesa de Asturias
Por Diego Espiño |
-
Javi Gómez Noya recibe, unha vez máis, o agarimo dos pontevedreses
Por Diego Espiño |
-
Pentacampión! Javi Gómez Noya engrandece a súa lenda co seu quinto título das Series Mundiais
Por Alejandro Espiño |
-
Gómez Noya remata segundo nas Series Mundiais de Edmonton e xa pensa na Gran Final
Por Diego Espiño |
-
Nova xesta de Javi Gómez Noya: tras varios días enfermo queda terceiro no Mundial de Ironman 70.3
Por Alejandro Espiño |