Gómez Noya remata segundo nas Series Mundiais de Edmonton e xa pensa na Gran Final
Por Diego Espiño
Só un primeiro posto podía mellorar a puntuación de Javier Gómez Noya nas Series Mundiais antes da Gran Final de Chigago do próximo día 19, onde buscará o seu quinto título mundial.
Non o conseguiu o galego en Edmonton (Canadá) na penúltima cita do calendario, pero tampouco os seus principais rivais o lograron, posto que o gañador foi Richard Murray (53:19).
O sudafricano foi o máis rápido da carreira, disputada en distancia sprint e caracterizada pola chuvia e o frío, impoñéndose con só catro segundos de vantaxe sobre Gómez Noya (53:23).
Terceiro foi Mario Mola (53:34), mentres outro dos seus principais rivais, o francés Vincent Luis, foi cuarto (53:39).
A proba serviu para que o triatleta galego recuperase sensacións e afinase a súa posta a punto despois duns días complicados, nos que superou unha leve enfermidade.
En canto á cita de Edmonton, Gómez Noya saió sexto da auga situándose no grupo de cabeza, onde non estaba Murray. O sudafricano enlazou no sector de ciclismo, cun circuíto mollado no que non se asumiron excesivos riscos, e rematou na carreira a pé, na que o actual campéon do Mundo foi o único en aguantar o ritmo e que se decidiu nos últimos 500 metros.
A xeral segue dominada por Noya con 3.820 puntos, seguido por Mola, con 3.595, e o francés Vincent Luis, que sobe ao terceiro posto con 3.543 puntos.
Relacionadas:
-
Gómez Noya, recibido con honras en Peinador
Por Diego Espiño & Mónica Patxot |
-
Pentacampión! Javi Gómez Noya engrandece a súa lenda co seu quinto título das Series Mundiais
Por Alejandro Espiño |
-
Chicago, última parada para Gómez Noya no camiño ao seu quinto título mundial
Por Redacción |
-
Nova xesta de Javi Gómez Noya: tras varios días enfermo queda terceiro no Mundial de Ironman 70.3
Por Alejandro Espiño |
-
Javi Gómez Noya gaña en Estocolmo e queda a un paso do seu quinto Mundial
Por Redacción |
-
Gómez Noya vese "con opcións de volver gañar o Mundial e non o vou desaproveitar"
Por Diego Espiño |