Gómez Noya, distinguido como mellor deportista do ano polo Comité Olímpico Español
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Comité Olímpico Español (COE) celebrou este martes a súa tradicional gala anual, na que distingue a diferentes persoas e entidades relacionadas co mundo do deporte polo seu labor ao longo do ano.
Na mesma dúas foron os nomes propios, o triatleta Javier Gómez Noya e a xogadora de badminton Carolina Marín, distinguidos como mellores deportistas de 2015.
Gómez Noya recibiu un merecido recoñecemento á tempada do seu pentacampionato do Mundo, xusto cando se atopa a poucas semanas de iniciar a preparación dun ano no principal obxectivo será lograr o único título que falta na súa palmarés, o olímpico, en Río 2016.
Toda a súa preparación irá encamiñada a realizar un bo papel en Brasil. Por ese motivo, e como apoio a Gómez Noya e Carolina Marín, o presidente do COE, Alejandro Blanco, deu ánimos aos deportistas e trasladoulles a súa confianza en que "los sueños del deporte español se van a ver cumplidos" nos Xogos.
A X Gala do Comité Olímpico Español celebrouse no auditorio Alfredo Goyeneche de Madrid.