Javi Gómez Noya gaña en Estocolmo e queda a un paso do seu quinto Mundial
Por Redacción
A ausencia dalgúns dos seus principais rivais colocábao como gran favorito na cita das Series Mundiais de Estocolmo, onde nunca vencera, e Javier Gómez Noya cumpriu os prognósticos.
O triatleta galego impúxose con autoridade en Suecia cun tempo de 1:49:33, por diante do portugués Joao Pereira (1:50:18) e o australiano Aaron Royle (1:50:26).
Non lle inquietaron os españois Mario Mola e Fernando Alarza, seguno e terceiro do Mundial, cunha discreta actuación que deixa en bandexa o quinto título para Gómez Noya a falta de dúas probas, Edmonton e a Gran Final de Chicago, onde deberá ratificar a súa condición de líder.
En Estocolmo o único momento complicado para o galego foi a natación, nunha auga revolta que dificultou o sector.
Aínda que sufriu para manterse preto dos primeiros clasificados, Javi logrou chegar con eles á primeira transición para formar un grupo de cabeza na bicicleta no que non se encontraban Mola e Alarza, a máis de 40 segundos.
A vantaxe co grupo perseguidor foise ampliando ata a última transición, tras a que Gómez Noya iniciou con forza a carreira a pé descolgando moi pronto os seus acompañantes.
Con esta vitoria o actual campión do Mundo lidera a xeral con 3.820 puntos polos 3.374 de Mola e os 2.961 de Alarza.
Relacionadas:
-
Chicago, última parada para Gómez Noya no camiño ao seu quinto título mundial
Por Redacción |
-
Gómez Noya remata segundo nas Series Mundiais de Edmonton e xa pensa na Gran Final
Por Diego Espiño |
-
Nova xesta de Javi Gómez Noya: tras varios días enfermo queda terceiro no Mundial de Ironman 70.3
Por Alejandro Espiño |
-
Unha enfermidade pon en perigo a participación de Gómez Noya no Mundial 70.3, onde defende título
Por Redacción |
-
As ausencias en Estocolmo achegan o quinto título mundial para Javi Gómez Noya
Por Diego Espiño |
-
Gómez Noya vese "con opcións de volver gañar o Mundial e non o vou desaproveitar"
Por Diego Espiño |
-
Recital de Gómez Noya no test olímpico de Río de Janeiro
Por Redacción |