Echegoyen e Betanzos estréanse no preolímpico de Río cunha sexta posición
Por Redacción
O Test Olímpico de vela que se está a disputar na baía de Guanabara de Río de Janeiro ten iniciado na clase 49er FX cun sexto posto provisional para o barco de Támara Echegoyen e Berta Betanzos.
O dúo galego-cántabro asinou unha sexta praza na primeira manga do día e un cuarto posto na segunda, mentres na última tiveron máis problemas e finalizaron antepenúltimas.
No cómputo xeral a sexta posición entre as 18 tripulacións en liza mantén as opcións de podio para Támara e Berta.
O Preolímpico seguirá disputándose ata o próximo venres 21 de agosto con aínda dez mangas previstas.
A clasificación está liderada polo momento polas italianas Giulia Conti e Francesca Clapcich, seguidos das neozelandesas Alexandra Maloney e Molly Meech e as ctuales campioas do mundo, as brasileiras Martine Soffiatti Grael e Kahena Kunze.