Samu Santos, novo reforzo para a zaga do Arosa
Por Alejandro Espiño
O central vigués Samu Santos é a nova incorporación ao proxecto deportivo do Arosa para a tempada 2024-2025. Foi presentado este martes no campo da Lomba.
"Creo que é un gran paso para min vir a un club tan grande como o Arosa", destacou o xogador, que chega a Vilagarcía procedente do RC Celta C Gran Peña.
Subliñou que o do Arosa será un proxecto "moi ilusionante" e mostrouse convencido que dentro da categoría "seremos un dos equipos fortes que pelexará por todo".
O defensa, que cumprirá 24 anos en agosto, antes de xogar no Gran Peña estivo unha tempada no Arenteiro e outra no Pontevedra. Formouse nas categorías inferiores do Choco, equipo co que debutou en Terceira División con dezasete anos; e do Alondras.
Na súa presentación, Santos destacou que un dos seus puntos fortes "é que son un central grande ao que lle gusta os duelos, xogar na área e ter a pelota", ademais do seu xogo aéreo e a súa contundencia, polo que considera que será un bo reforzo para a zaga do Arosa.
Con respecto ao que agarda para esta tempada, o xogador asegurou que a chave será formar un grupo "bo e san", para conseguir que "cando veñan malos momentos nos apoiemos uns aos outros".
Relacionadas:
-
Seis partidos para unha pretempada do Arosa que arranca o 24 de xullo
Por Redacción |
-
Álex Vila, garantía no xogo aéreo, defenderá a portería do Arosa
Por Anxo Lourido |
-
Felipe Peredo reforzará o mediocentro do Arosa
Por Redacción |
-
Mario García, un defensa "competitivo e dinámico" para a zaga do Arosa
Por Alejandro Espiño |
-
José Rivera, outra "volta a casa" para reforzar a dianteira do Arosa
Por Alejandro Espiño |
-
Carlos Torrado volve á Lomba despois de seis anos
Por Redacción |
-
Catro pezas máis para o banco do Arosa
Por Redacción |
-
Iván Vázquez e Álvaro Cano acompañarán a Michel Alonso no banco do Arosa
Por Redacción |