Mario García, un defensa "competitivo e dinámico" para a zaga do Arosa
Por Alejandro Espiño
A liña defensiva do Arosa suma un novo reforzo. O club presentou este xoves ao vigués Mario García, que chega a Vilagarcía procedente do Coruxo FC.
O defensa, que ten 24 anos, formouse nas categorías inferiores do Val Miñor e estivo dúas tempadas no RC Celta xuvenil. De aí, con 19 anos, deu o salto ao CD Choco, onde militou durante tres tempadas en Terceira División.
Tras un ano no Arenteiro, co que conseguiu o ascenso a Primeira RFEF, a pasada tempada xogou no Coruxo.
É un xogador "con carácter, competitivo, dinámico, agresivo na disputa e recuperación e intenso no xogo" que chega ao Arosa, segundo el destacou, "con moitas ganas, motivación e ilusión para devolver ao Arousa á categoría que merece".
"Creo que podo, a pesar de ser novo, achegar un pouco de experiencia tanto defensiva como ofensivamente", engadiu o xogador vigués, que sostivo que "desde atrás fórmanse os equipos gañadores" para, a partir de aí, "conseguir os obxectivos".
Explicou que "desde a primeira chamada", os responsables do Arosa "expuxéronme un proxecto moi bonito" e depositaron moita confianza nel, polo que "non mo pensei moito" para vestir a camiseta arlequinada a próxima tempada.
Relacionadas:
-
Javi Rey quere ascender co Arosa: "Imos tentalo a matar desde o día a día"
Por Almu Dapena |
-
Javi Rey, a guinda para o ilusionante proxecto do Arosa
Por Diego Espiño |
-
Seis partidos para unha pretempada do Arosa que arranca o 24 de xullo
Por Redacción |
-
Álex Vila, garantía no xogo aéreo, defenderá a portería do Arosa
Por Anxo Lourido |
-
Felipe Peredo reforzará o mediocentro do Arosa
Por Redacción |
-
José Rivera, outra "volta a casa" para reforzar a dianteira do Arosa
Por Alejandro Espiño |
-
Samu Santos, novo reforzo para a zaga do Arosa
Por Alejandro Espiño |
-
Carlos Torrado volve á Lomba despois de seis anos
Por Redacción |
-
Catro pezas máis para o banco do Arosa
Por Redacción |