O Cisne estreará a tempada 24-25 na casa contra o Trops Málaga
Por Diego Espiño
O Club Cisne Balonmán xa sabe cal é a súa folla de ruta competitiva para a próxima tempada, na que volverá competir na División de Honra Prata.
A Real Federación Española de Balonmán celebrou este mércores o sorteo do calendario das súas principais competicións, entre as que se atopa a segunda categoría masculina.
No que respecta ao Cisne, arrincará a tempada na casa, no Pavillón Municipal dos Deportes, recibindo o Trops Málaga, sétimo clasificado a pasada campaña. Na segunda xornada pola súa banda renderá visita ao EON Horneo Alicante.
Entre outras datas destacadas, o derbi galego fronte ao Atlético Novás producirase xa na quinta xornada do campionato, cun duelo en Pontevedra.
Ademais de abrir a competición na casa, o Cisne pechará tamén a liga no Municipal nunha última xornada na que se medirá ao Landbit Lanzarote.
Consulta aquí o calendario completo da División de Honra Prata Masculina 24-25.
Relacionadas:
-
Renovación dunha das grandes promesas do Cisne, o pivote Manu Lorenzo
Por Redacción |
-
O Cisne, obrigado a iniciar a liga en Príncipe Felipe
Por Diego Espiño |
-
Quiños seguirá a liña marcada por Jabato no Cisne co reto de lograr a "tranquilidade" dos 26 puntos
Por Mónica Patxot & Anxo Lourido |
-
Quiños ascende a primeiro adestrador do Cisne tras a marcha de Jabato
Por Diego Espiño |
-
O Cisne ata un dos seus homes clave, Gualther Furtado
Por Diego Espiño |
-
Jabato, dunha renovación case pechada a decidir non seguir no Cisne
Por Diego Espiño |
-
Alejandro Conde abandona o Cisne despois de "siete años maravillosos"
Por Diego Espiño |