Jabato, dunha renovación case pechada a decidir non seguir no Cisne
Por Diego Espiño
Xiro inesperado na planificación do Club Cisne Balonmán para a próxima tempada.
Javier Fernández 'Jabato' non seguirá como técnico do primeiro equipo cisneísta, pechando a que foi a súa segunda etapa na entidade.
O preparador manchego, cuxa continuidade estaba case pechada ao termo do play-off de ascenso, comezou a presentar dúbidas antes de concentrase coa Selección Española Júnior que dirixe para preparar o Europeo de próximo mes de xullo. Foi entón cando pediu á entidade pontevedresa uns días para reflexionar. Un período que terminou finalmente cun cambio de rumbo.
Jabato comunicou ao Cisne que non renovará, rexeitando por tanto a proposta do club, para así centrarse no seu labor como técnico da Real Federación Española de Balonmán.
Trátase dunha decisión que colle un pouco a contrapé o Cisne, que empezara a planificar contando coa opinión do adestrador, aínda que "en los últimos días nos hemos empezado a mover", recoñece o presidente cisneísta, Santi Picallo.
Tras a notificación oficial de Jabato a xunta directiva ten previsto reunirse este mesmo mércores para axilizar a contratación dun novo adestrador.
Relacionadas:
-
O Cisne, obrigado a iniciar a liga en Príncipe Felipe
Por Diego Espiño |
-
O Cisne estreará a tempada 24-25 na casa contra o Trops Málaga
Por Diego Espiño |
-
Quiños seguirá a liña marcada por Jabato no Cisne co reto de lograr a "tranquilidade" dos 26 puntos
Por Mónica Patxot & Anxo Lourido |
-
Quiños ascende a primeiro adestrador do Cisne tras a marcha de Jabato
Por Diego Espiño |
-
O Cisne ata un dos seus homes clave, Gualther Furtado
Por Diego Espiño |
-
Alejandro Conde abandona o Cisne despois de "siete años maravillosos"
Por Diego Espiño |
-
Marco Rodrigues, terceira baixa do Cisne
Por Redacción |
-
Rubén Etayo non seguirá no Cisne
Por Redacción |
-
O Cisne di adeus á fase de ascenso á Liga Asobal (32-20)
Por Almu Dapena |