Dobre billete europeo para Tono Campos e Diego Romero no Campionato de España Piragüismo Maratón
Por Redacción
O encoro de Castrelo de Miño foi escenario a fin de semana do Campionato de España de Piragüismo Maratón, que era ademais clasificatorio para o próximo Campionato de Europa da especialidade, xa que os dous primeiros clasificados en cada categoría obtiñan o pase directo á competición continental.
Dous dos nomes propios da competición foron Tono Campos e Diego Romero, do Breogán do Grove, na canoa, e é que ambos os dous foron primeiro e segundo clasificado na proba individual con Campos como campión nacional e Romero segundo e xuntos no C-2 levaron o triunfo por diante de Fernando Busto e Diego Miguéns (As Torres) e de Óscar Graña e David Barreiro.
Ademais Tania Álvarez (Breogán), venceu na canoa feminina por diante de Arantza Toledo e Irati Osa.
Na categoría sub-23 pola súa banda, Noa Franco (E.P. Ciudad de Pontevedra) conseguiu a primeira posición, seguida de Anna Gorinsky do Fluvial de Lugo e Noelia Sánchez, o mesmo que no K-1 o pontevedrés Joaquín Iglesias (Rías Baixas), que ademais foi terceiro no K-2 xunto ao seu compañeiro Adrián Prada.
Por último Alexandre Baliñas Villa (Club Naval de Pontevedra) asinou un terceiro posto na categoría cadete, do mesmo xeito que Antonio Silva (Breogán) en idade xuvenil.
Relacionadas:
-
O Campionato de España de Maratón Curto desembarca en Verducido con máis de 300 piragüistas rexistrados
Por Redacción |
-
Tono Campos e Diego Romero, bronce europeo na final do C2
Por Redacción |
-
Tono Campos proclámase campión Europeo e agranda a súa lenda
Por Redacción |
-
Primeiro posto para a EP Ciudad de Pontevedra na 30 edición da Baixada do Umia
Por Redacción |
-
Antía Jácome proclámase campioa de Europa en C2 200, e Manuel Fontán e Adrián Sieiro logran o bronce
Por Almu Dapena |
-
A canoa pontevedresa, potencia nacional
Por Diego Espiño |
-
Tono Campos e Diego Romero repiten ouro mundialista no C-2 e 'as Tanias' fanse coa prata en K-2
Por Almu Dapena |
-
Segundo ouro mundialista para Tono Campos e bronce para Manu Garrido
Por Almu Dapena |
-
Jaime Duro repite ouro mundial sub-23 de piragüismo maratón, con bronce de Diego Piñeiro
Por Diego Espiño |
-
Tono Campos, medalla de ouro na proba curta do Mundial de Piragüismo Maratón
Por Diego Espiño |