Alexis Viéitez recupera o trono da Subida á Escusa
Por Diego Espiño
O ceo finalmente respectou e a XXIV Subida á Escusa correspondeu esta fin de semana cunha espectacular carreira sobre un asfalto seco na súa totalidade con 70 vehículos rexistrados.
Nesas condicións Alexis Viéitez recuperou o seu trono en Poio, e é que o múltiple gañador da Escusa fora terceiro hai un ano. Nesta ocasión con todo dominou as catro mangas cronometradas oficiais repartidas entre sábado e domingo para vencer aos mandos da súa Fórmula Dicode cun tempo de 3:34.766.
O segundo posto da xeral foi a parar a Jesús López (+12.812 segundos) co seu Forwin RS23, mentres que completou o podio Martín Villar co BRC 05 (+12.840).
Destacado foi tamén o rendemento de Jorge Pérez Alonso co Porsche 991 GT3, e é que ademais de gañar a categoría de carrozados con autoridade colocouse na cuarta posición da clasificación absoluta cun tempo de 3:50.733.
En carrozados completaron o podio Rubén Blanco (Mitjet) e Manuel Senra (Peugeot 308 TCR), na segunda e terceira praza.
Pola súa banda entre os carcross o mellor foi Alfonso 'Pisko' Ventín (3:51.304), por diante de Beni Porto e Abrahán Vázquez.
Por último na clasificación de regularidade a primeira posición foi para Carlos Gutiérrez e David Martínez.
Consulta a clasificación xeral completa da XXIV Subida A Escusa.
Relacionadas:
-
Peche ao Campionato Galego de Montaña na sétima Subida a Ponte Caldelas
Por Diego Espiño | Creada e actualizada
-
Poio inaugura os cursos gratuítos de alfabetización e competencias dixitais transversais
Por Oskar Viéitez |
-
A Escusa mira o ceo para unha Subida con 70 pilotos rexistrados
Por Diego Espiño |
-
A "mítica" Subida A Escusa quenta motores para a súa XXIV edición
Por Diego Espiño |
-
Jorge Pérez e Abrahán Vázquez, os máis rápidos da XXIII Subida A Escusa
Por Cristina Saiz & Redacción |