Jorge Pérez e Abrahán Vázquez, os máis rápidos da XXIII Subida A Escusa
Por Cristina Saiz & Redacción
A Subida A Escusa celebrou este sábado a súa XXIII edición coa participación de 61 pilotos, tres mangas de adestramentos, tres cronometradas e un trazado de 3,3 quilómetros pola estrada EP-9214 desde o núcleo de Sartal.
En carrozados, o campéon indiscutible foi Jorge Pérez no seu Porsche 911 GT3 CUP, que marcou os mellores tempos en todas as mangas para facerse co triunfo final cun tempo total de 3:58.054.
O segundo mellor crono fíxoo Manuel Senra (Peugeot 306 MAXI), a +3.579 de Pérez, mentres que o podio completouno Javier Carballo (Ford Escort MK1 ZASKPEED) a +16.207.
Pola súa banda, en non carrozados o máis rápido foi Abrahán Vázquez (Fórmula Dicode), marcando un tempo de 3:38.385.
Moi preto, a tan só +3.102, Jorge Fernández (CM Forwin TC4/F) facíase coa segunda posición e Alexis Viéitez (Celtic VM10), campión o pasado curso, completaba o podio cun terceiro posto (+11.999).
Consulta nesta ligazón todas as clasificacións
Relacionadas:
-
A XXIII Subida A Escusa quenta motores con 61 pilotos rexistrados
Por Diego Espiño |
-
Luz verde da Federación a un calendario que inclúe sete rallys en chan pontevedrés
Por Redacción |
-
A comarca de Pontevedra será escenario de sete rallys ao longo do 2023
Por Manu Otero |
-
Alexis Viéitez segue reinando na Subida á Escusa
Por Redacción & Mónica Patxot |