O Rallye de Pontevedra contará con 120 participantes para a súa sexta edición
Por Redacción
O VI Rallye de Pontevedra quenta motores coa súa presentación oficial, celebrada este mércores no Real Club Náutico de Sanxenxo.
O evento automobilístico, correspondente ao Campionato Galego de Rallyes, celebrarase o venres 31 de maio e o sábado 1 de xuño con base en Sanxenxo pero pasando por toda a comarca grazas aos tramos de Campo Lameiro, Cerdedo-Cotobade, Meaño e a estrea do deseñado en Moraña.
En total, segundo desvelaron na presentación, serán 120 os vehículos e pilotos que participarán na competición.
A cita arrincará na mañá do venres 31 coas verificacións técnicas na Rúa Rafael Picó, onde pola tarde, a partir das 19.30 horas, terá lugar a cerimonia de saída cara ao tramo espectáculo de Nantes, na zona do polígono industrial.
En todo caso o seu día grande será o sábado 1 de xuño con dúas pasadas a cada un dos tramos de competición, pola mañá aos preparados en Campo Lameiro e Cerdedo-Cotobade e en horario de tarde nos de Meaño e Moraña.
Repartiranse ata 7.900 euros en premios nunha gala de clausura que se celebrará próxima á medianoite.
Trátase dun evento de motor ao que se espera que asistan multitude de afeccionados, e é que como lembrou o concelleiro de Deportes de Sanxenxo, Marcos Guisasola, "na pasada edición atraeu máis de 22.000 persoas á cita".
Relacionadas:
-
Víctor Senra e David Vázquez revalidan título no Rallye de Pontevedra
Por Redacción |
-
Restricións de tráfico esta fin de semana en Portonovo polo Rallye de Pontevedra
Por Redacción |
-
Víctor Senra co seu C3 WRC encabeza a "espectacular" lista de rexistrados do VI Rallye de Pontevedra
Por Diego Espiño |
-
Conclúen as obras na estrada provincial Cerdedo-Castro-Quireza
Por Redacción |
-
O automobilismo pontevedrés busca novas promesas con '+Talento Motor'
Por Natalia Puga |
-
Cambio de formato para o VI Rallye de Pontevedra, cun novo tramo en Moraña
Por Diego Espiño |
-
O Rallye de Pontevedra, o segundo mellor valorado do calendario pola Federación Galega
Por Diego Espiño |
-
Sen sorpresas no Rally de Pontevedra: Víctor Senra, campión da quinta edición
Por Almu Dapena & Cristina Saiz |