Os Xogos Olímpicos de París, un soño difícil pero aínda posible para Jéssica Bouzas
Por Diego Espiño
Pode aínda Jéssica Bouzas aspirar a unha praza para disputar os proximos Xogos Olímpicos de París? A resposta é si, sobre todo tras os resultados conseguidos nas últimas semanas, aínda que se trata aínda dun soño complicado.
O bo arranque de tempada da tenista arousá fixo que pegue un gran salto no ranking mundial, no que aparecía este luns no mellor posto da súa carreira (104) tras o seu triunfo no WTA 125 de Antalya. A iso sumou un triunfo máis en primeira rolda do WTA 125 La Bisbal d'Empordá, aínda que caeu este mércores na segunda eliminatoria fronte á tamén española Rebeka Masarova por 6-3 e 6-2. Con todo este resultado coloca a Bouzas no Top-100 de maneira virtual, a falta do resto de resultados da semana.
En canto a París 2024, o ranking olímpico mide só os puntos desde o pasado Roland Garros. E será precisamente o Grand Slam de terra batida o que peche o período de clasificación, xa que a lista mundial do próximo 10 de xuño, o primeiro tras o torneo parisiense, será o que determine as prazas olímpicas.
Por iso, estando no inicio aínda da xira de terra batida, o soño olímpico é posible, aínda que para logralo será necesario conseguir uns grandes resultados nos dous próximos meses.
Na competición individual de París 2024 participarán 64 tenistas, das que 56 entrarán directamente por ranking, seis son prazas reservadas pola ITF e dúas máis son invitacións, unha a Francia como anfitrión. Todo iso con catro prazas máximas para cada país.
Neste sentido na última actualización da clasifiacción mundial WTA, Jéssica Bouzas era a quinta mellor raqueta nacional, só superada por Sara Sorribles (50 do ranking mundial), Cristina Bucsa (75), Paula Badosa (82) e Rebeka Masarova (91).
Para ser elixible existe ademais un requisito, que a arousá non cumpre pero na que entra nunha das excepcións da norma, a de ter participado en polo menos dúas roldas con España na Billie Jean King Cup, unha posibilidade que ata o de agora por ranking non estaba enriba da mesa.
Relacionadas:
-
Desvelado o camiño de Jéssica Bouzas na súa estrea no cadro final de Roland Garros
Por Diego Espiño |
-
A Top-10 Ostapenko acaba coa aventura de Jéssica Bouzas no WTA 1.000 de Madrid
Por Diego Espiño |
-
Remontada de Jéssica Bouzas fronte a Paula Badosa para avanzar a segunda rolda do WTA 1.000 de Madrid
Por Diego Espiño |
-
Jéssica Bouzas, á fase final do WTA 1.000 de Madrid tras vencer á estadounidense Vickery
Por Diego Espiño |
-
Jéssica Bouzas avanza na previa do WTA 1.000 de Madrid
Por Redacción |
-
Roland Garros, no horizonte de Jéssica Bouzas como nova Top-100
Por Diego Espiño |
-
Jessica Bouzas xa é virtual Top100 a pesar da derrota na final do Open de Zaragoza
Por Almu Dapena |
-
O seu triunfo en Turquía impulsa a Jéssica Bouzas ao posto 104 do ranking mundial
Por Diego Espiño |
-
Jéssica Bouzas gaña en Antalya e o tenis galego celebra un torneo WTA unha década despois
Por Diego Espiño |
-
Jéssica Bouzas rompe outra barreira e clasifícase para a súa primeira final dun torneo WTA
Por Diego Espiño |
-
Jéssica Bouzas, sen opcións na previa do WTA 1000 de Miami
Por Redacción |
-
O gran inicio de ano de Jéssica Bouzas elévaa ao posto 124 do ranking WTA
Por Diego Espiño |
-
Jessica Bouzas coróase en México
Por Almu Dapena |
-
Jéssica Bouzas levanta en Porto o seu décimo título en torneos ITF
Por Redacción |
-
Jéssica Bouzas cae na previa do Open de Australia fronte á india Ankita Raina
Por Diego Espiño |