Remontada de Jéssica Bouzas fronte a Paula Badosa para avanzar a segunda rolda do WTA 1.000 de Madrid
Por Diego Espiño
Novo logro desbloqueado na meteórica carreira de Jéssica Bouzas.
A tenista arousá estreábase este mércores no seu primeiro cadro principal dun torneo de categoría WTA 1.000, tras superar a fase previa de Madrid, e o facía medíndose á que ata hai moi pouco era a gran referencia nacional, Paula Badosa.
A xogadora catalá, que en abril de 2022 ocupaba o segundo posto do ranking mundial, atravesa agora un momento complicado por culpa de problemas físicos, pero atesoura unha calidade indiscutible e supoñía toda unha proba esixente para Bouzas.
A recentemente estreada entre as 100 mellores do planeta arrincou ben o encontro sobre a terra batida da madrileña Caja Mágica, rompendo o servizo do seu rival e adiantándose 2-0, pero Badosa reaccionou para apuntarse a primeira manga por un tenteo de 2-6.
Jéssica foi aos poucos subindo o nivel e devolveu o golpe no segundo set cun 6-2 ao seu favor, completando a remontada no parcial decisivo cun 6-3 en 2 horas e 5 minutos.
Con este triunfo Jéssica Bouzas asegura seguir progresando posto na próxima actualización do ranking WTA, e cítase en segunda rolda do WTA 1.000 de Madrid cunha dura rival, a letona Jelena Ostapenko, actual número 10 do mundo e gañadora hai uns anos de Roland Garros.
Relacionadas:
-
A Top-10 Ostapenko acaba coa aventura de Jéssica Bouzas no WTA 1.000 de Madrid
Por Diego Espiño |
-
Jéssica Bouzas, á fase final do WTA 1.000 de Madrid tras vencer á estadounidense Vickery
Por Diego Espiño |
-
Jéssica Bouzas avanza na previa do WTA 1.000 de Madrid
Por Redacción |
-
Roland Garros, no horizonte de Jéssica Bouzas como nova Top-100
Por Diego Espiño |
-
Jessica Bouzas xa é virtual Top100 a pesar da derrota na final do Open de Zaragoza
Por Almu Dapena |
-
Os Xogos Olímpicos de París, un soño difícil pero aínda posible para Jéssica Bouzas
Por Diego Espiño |
-
O seu triunfo en Turquía impulsa a Jéssica Bouzas ao posto 104 do ranking mundial
Por Diego Espiño |
-
Jéssica Bouzas gaña en Antalya e o tenis galego celebra un torneo WTA unha década despois
Por Diego Espiño |