Rayden substitúe a Pimpinela no cartel das Festas da Peregrina
Por Diego Espiño
O Concello de Pontevedra viuse obrigado a cancelar o concerto de Pimpinela, previsto para o vindeiro domingo 20 de agosto e que pechaba a programación musical das Festas da Peregrina.
A causa é un accidente sufrido este mércores polo cantante da formación, Joaquín Galán, que tivo mesmo que ser atendido hospitalariamente.
"Era un concerto que tiña unha expectativa moi alta", asegurou o concelleiro de Festas, Demetrio Gómez, ao dar a coñecer a circunstancia.
Gómez encomiou o "traballo excepcional" dos técnicos municipais por "atopar en menos de 12 horas un substituto do máximo nivel".
Ese substituto será Rayden, cantante, compositor e escritor madrileño que está inmerso na súa xira de despedida, tras anunciar o seu adeus á música.
"Vai facer un esforzo moi grande por estar en Pontevedra", afirmou o edil.
O concerto de Rayden será desta forma o encargado de poñer o broche final ás Festas da Peregrina subindo o domingo 20 de agosto ao escenario da Praza de España (22.30 horas).
Relacionadas:
-
Rayden pon fin a uns multitudinarios concertos da Peregrina
Por Redacción & Cristina Saiz |
-
Vanesa Martín namora o público pontevedrés cos seus 'praceres e pecados'
Por Redacción & Cristina Saiz |
-
A Batalla de Flores regala colorido e diversión antes da chuvascada
Por Diego Espiño & Mónica Patxot |
-
'Festa pagá' con Mägo de Oz na Praza de España
Por Redacción & Mónica Patxot |
-
Baiuca pon a bailar ás Festas da Peregrina
Por Redacción & Mónica Patxot |
-
Lores, sobre as Festas da Peregrina: "É incrible a cantidade de xente que hai"
Por Redacción |
-
O rapero Recycled J e o espectáculo Kine Circus protagonizan unha nova xornada de abarrote nas Festas da Peregrina
Por Redacción |
-
O mellor rap e clásicos de pop, rumba e indie poñen ritmo á noite do luns
Por Mónica Patxot & Redacción |
-
Furious Monkey House e La M.O.D.A., banda sonora dun domingo con Pontevedra repleta
Por Diego Torrado & Redacción |