Froiz, 28 anos de aposta polo ciclismo
Por Diego Espiño & Mónica Patxot
É díficil atopar no pelotón nacional e internacional unha relación tan estable e frutífera como a que ten Supermercados Froiz co seu equipo ciclista.
Non en balde a tempada que está a piques de comezar é a número 28 do equipo pontevedrés, sendo o segundo equipo nacional máis lonxevo, profesionais incluído, só superado polo Baqué vasco.
Esta circunstancia, unido aos éxitos deportivos que colocaron ao equipo durante sente anos consecutivos á fronte do ránking nacional, motivou á Federación Española de Ciclismo a preparar unha homenaxe ao equipo dirixido por Evaristo Portela, que se celebrará en próximas datas en Madrid.
O Froiz, que este venres celebrou a súa presentación oficial nun acto celebrado na Deputación de Pontevedra, iniciará oficialmente a tempada o próximo 21 de febreiro no Circuíto do Guadiana, en Don Benito, na primeira proba da Copa de España.
Ao acto ademais do patrón do equipo, Magín Froiz, acudiron a presidenta provincial, Carmela Silva, a deputada de Deportes, Chelo Besada, e as concelleiras de Deportes de Pontevedra, Anxos Riveiro, e Poio, Marga Caldas.
Relacionadas:
-
Xornada aciaga para o Froiz no Trofeo Guerrita
Por Redacción |
-
Segundo asalto para o Froiz na Copa de España
Por Redacción |
-
O Froiz no debut da Copa de España Elite e Sub-23 cun noveno posto de Araújo
Por Redacción |
-
"Boas sensacións" do Froiz ante o inminente inicio da Copa de España
Por Redacción |
-
O Froiz fixa os obxectivos dunha tempada que iniciará no Circuíto do Guadiana
Por Diego Espiño |
-
O novo horizonte portugués do Supermercados Froiz
Por Redacción |
-
Primeiros quilómetros para o novo proxecto do Supermercados Froiz
Por Redacción |