Primeiros quilómetros para o novo proxecto do Supermercados Froiz
Por Redacción
Primeiros días de adestramento para o novo proxecto do Grupo Deportivo Supermercados Froiz.
O equipo pontevedrés xuntou estes días aos ciclistas galegos do equipo para realizar unha pequena concentración, destinada a completar os primeiros quilómetros da pretempada e facer grupo.
Entre os presentes atopábanse as catro incorporacións anunciadas pola escadra que dirixe Evaristo Portela, as dos galegos Alejandro Regueiro, Víctor Fernández, Martín Bouzas e Diego Somoza.
Todo nunha tempada na que o reto é esixente, recuperar o primeiro posto no ránking nacional por equipos elite e sub-23, posición que abandonou o Froiz tras sete anos no alto caendo á quinta praza.
Como vén sendo habitual nas últimas tempadas, os principais obxectivos serán de novo as roldas por etapas, aínda que sen descoidar a prestixiosa Copa de España que se lle resiste ao equipo pontevedrés.
Relacionadas:
-
Froiz, 28 anos de aposta polo ciclismo
Por Diego Espiño & Mónica Patxot |
-
O Froiz fixa os obxectivos dunha tempada que iniciará no Circuíto do Guadiana
Por Diego Espiño |
-
O novo horizonte portugués do Supermercados Froiz
Por Redacción |
-
O Supermercados Froiz cae ao quinto posto do ránking nacional
Por Redacción |
-
O Supermercados Froiz inicia a súa renovación fichando catro promesas do ciclismo galego
Por Redacción |