Convocado o consello veciñal de Poio para participar na elaboración dos orzamentos municipais
Por Redacción
O goberno local convocou o consello de participación veciñal para impulsar as achegas e suxestións destes colectivos aos orzamentos do Concello de Poio para o ano 2024.
A sesión celebrarase o xoves 23, ás 20.00 horas, no salón de plenos, e nela están incluídas, ademais dos representantes dos grupos municipais, representantes das asociacións veciñais do concello.
O alcalde de Poio Ángel Moldes explica que convocan aos colectivos para escoitar as súas propostas e "non como un mero trámite" para dar exclusivamente conta dun documento. "Queremos ser un goberno de todos e para todos en feitos e acción de goberno, por iso para nós é moi importante escoitar e manter un diálogo constante cos veciños", sinala.
Nesta liña, engade que "queremos que os colectivos coñezan cales son os nosos plans para o próximo ano, tendo en conta a situación económica do concello, e tamén queremos saber cal é a súa opinión. É importante que os veciños tomen parte nos asuntos importantes do concello, e os orzamentos para o ano 2024 son o documento máis relevante, o que marca a nosa acción e xestión para os próximos doce meses".
Ademais, no consello de participación veciñal tamén se tratará a futura ordenanza municipal de terrazas, que buscará dar resposta a unha demanda histórica do municipio, cun documento real e que recolla a realidade de Poio.
"Queremos contar coa opinión de todos, é importante que teña o maior consenso e apoio posible. Non se trata só de ofrecer unha estética homoxénea, tamén ten que resolver os problemas da hostalería de Poio e garantir a convivencia entre negocios e veciños", concluíu o alcalde.
Relacionadas:
-
O PP aproba o orzamento de 14,7 millóns de euros para o 2024 en Poio
Por Redacción |
-
Cochón, do PP de Poio: "As emendas do BNG aos orzamentos son unha falta de respecto aos veciños de Poio"
Por Redacción |
-
O BNG de Poio destaca o "espírito construtivo" das emendas que presenta aos orzamentos municipais
Por Redacción |
-
O PP de Poio responde ás críticas do PSOE polos impostos afeándolle o seu "despilfarro" no goberno
Por Redacción |
-
O Concello de Poio baixa un 5% o imposto de circulación e a taxa dos vaos
Por Oskar Viéitez |
-
O goberno local destaca o aforro no custo desta edición da Festa do Mar de Combarro
Por Oskar Viéitez |