Cochón, do PP de Poio: "As emendas do BNG aos orzamentos son unha falta de respecto aos veciños de Poio"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Rocío Cochón, portavoz do grupo municipal do PP de Poio, arremete contra as emendas que o BNG presenta ao proxecto de orzamento municipal.
Argumenta que "despois de estar 28 anos no goberno son unha falta de respecto aos veciños de Poio", indica a popular #ante as propostas do grupo nacionalista de Marga Caldas.
Desde as filas populares sinalan que o goberno de Ángel Moldes leva ao pleno deste mércores un orzamento de 14,7 millóns de euros no que se reflicten unhas contas "realistas, responsables e prudentes", segundo Cochón.
Indica que é un documento "de transición" coa intención de sanear as arcas municipais e critica o goberno anterior do estado en que deixou as contas municipais.
"Presentar esas emendas seis meses despois de abandonar un goberno no que estiveron case tres décadas, e tras deixar a Poio como o concello coa débeda máis alta da provincia, é unha verdadeira tomadura de pelo", manifesta Rocío Cochón.
Explica que a baixada de impostos prometida por Moldes será unha realidade e que varias das modificacións que solicita o BNG "non cumpren os requisitos legais, mentres que outras nin sequera dependen da aprobación dos orzamentos". Este 27 de decembro vai desenvolverse o debate plenario no Concello de Poio.
Relacionadas:
-
O PP aproba o orzamento de 14,7 millóns de euros para o 2024 en Poio
Por Redacción |
-
O BNG de Poio destaca o "espírito construtivo" das emendas que presenta aos orzamentos municipais
Por Redacción |
-
Case 800.000 euros para renovar instalacións deportivas en trece concellos da área de Pontevedra
Por Redacción |
-
O PSOE ve "decepcionante" o orzamento de Poio para 2024: "reflicte á perfección as mentiras de Ángel Moldes"
Por Redacción |
-
"Máis asesores, menos xestión e cero investimentos", así resume o BNG de Poio o orzamento municipal
Por Oskar Viéitez |
-
Convocado o consello veciñal de Poio para participar na elaboración dos orzamentos municipais
Por Redacción |