O Sergas ultima o servizo de pediatría en Cerdedo-Cotobade, con consulta dúas tardes á semana
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A área sanitaria de Pontevedra e o Salnés está a ultimar os detalles para dotar de cobertura de pediatría a Cerdedo-Cotobade. Están a xestionar unha consulta no municipio dúas tardes á semana a partir deste mes de novembro.
O xerente da área sanitaria de Pontevedra e O Salnés, José Flores Arias, mantivo este martes unha xuntanza técnica co alcalde de Cerdedo-Cotobade, Jorge Cubela, e a subdirectora asistencial da área médica, Dolores Pan.
Na reunión, celebrada no Hospital Provincial, José Flores informou a Jorge Cubela que o Servizo Galego de Saúde está a xestionar a prestación de consulta da especialidade de Pediatría de Atención Primaria neste Concello xa a partir deste mércores 1 de novembro.
Flores Arias reiterou o firme compromiso do Servizo Galego de Saúde para continuar coas xestións administrativas posibles para acadar novas coberturas de profesionais de Atención Primaria nos centros de saúde do municipio
Tamén lembrou ao alcalde que "persiste o condicionante de paro cero" nas especialidades de Pediatría e Medicina Familiar e Comunitaria, de tal xeito que a ausencia destes profesionais para contratar "xera atrancos para efectuar coberturas con continuidade en varios concellos desta área de saúde", ao igual que no resto de Galicia e de España.
Relacionadas:
-
A plataforma Cerdedo pola Sanidade Pública lamenta que a xerencia non ofreza solución ás carencias de atención pediátrica
Por Redacción |
-
O PSOE leva ao Parlamento de Galicia a falta de médicos en Cerdedo-Cotobade
Por Redacción |
-
Alertan da "situación crítica" en Cerdedo-Cotobade, sen medicina de familia nin pediatría en agosto
Por Redacción |
-
Denuncian que a "precariedade" do servizo de Pediatría en Cerdedo, Forcarei e Tenorio "agravouse" nas últimas semanas
Por Redacción |
-
A Lama, Cerdedo-Cotobade e Ponte Caldelas compartirán un novo pediatra
Por Redacción |
-
Jorge Cubela dá explicacións sobre os seus intentos para solucionar a falta de médico no centro de saúde de Cerdedo
Por Redacción | Creada e actualizada
-
Cerdedo pola Sanidade Pública continúa presentando reclamacións no centro de saúde
Por Redacción |