Chegan as novas aulas auxiliares ao IES Valle-Inclán
Por Oskar Viéitez & Mónica Patxot
Este mércores empezou a instalación das aulas auxiliares que acollerán a uns 250 alumnos de Bacharelato do Instituto Valle-Inclán.
Daniel Mejuto, director do IES Valle Inclán, informou que esta mesma mañá recibiron a visita da Unidade Técnica cos arquitectos e a previsión que manexan é que o próximo día 12 de outubro estean xa instaladas estas 11 aulas, compostas por catro módulos cada unha.
"Mentres tanto xa estamos a planificar o equipo directivo a nova organización do centro", indicou o director.
"Teremos unha comunicación e un claustro para informar o profesorado e tamén, no seu momento, ás familias e ao alumnado", engadiu.
En total 10 aulas auxiliares estarán ocupadas polos cinco grupos de Primeiro de Bacharelato e outros cinco de Segundo, mentres que unha aula queda para "desdobre" cando se necesite para algunha clase "a maiores". En cada unha delas estarán unha trintena de alumnos. "En principio as condicións son moi boas e creo que van estar fenomenal", ha apunto Daniel Mejuto.
"Esperemos que todo funcione con normalidade", comentou. "Temos asumido que o centro está ante unha nova situación e que causará algunhas molestias pero que todo sexa polo ben do centro e que en pouco tempo teñamos un centro estupendo".
Por agora, a convivencia coas obras de reforma está a levarse "bastante ben". Nestes momentos están a actuar no pavillón sen que isto altere o normal funcionamento das clases. "O que pretendemos é que as zonas nas que traballen estean illadas da actividade docente, que os rapaces teñan as súas clases con normalidade só que hai unha parte do alumnado que vai estar no exterior".
Estas aulas móbiles estarán instaladas na fachada principal do Valle-Inclán, na rúa Montero Ríos, durante este curso académico e o seguinte.
Relacionadas:
-
Adeus ás aulas móbiles do instituto Valle Inclán nove meses despois
Por Natalia Puga & Mónica Patxot |
-
A mediados de xullo xa non estarán as aulas móbiles diante do Instituto Valle Inclán
Por Oskar Viéitez |
-
Remata a primeira fase das obras do Valle Inclán, a "catedral educativa" de Pontevedra que avanza segundo o previsto
Por Natalia Puga & Mónica Patxot |
-
Gañar privacidade, cubrir a entrada, poñer un timbre e felpudos… pequenos flocos para unhas aulas móbiles que gustaron
Por Oskar Viéitez & Mónica Patxot |
-
As aulas móbiles do instituto Valle Inclán estarán operativas o 16 de outubro e funcionarán só durante este curso
Por Natalia Puga & Mónica Patxot |
-
Os autobuses turísticos, de San Roque a Valentín García Escudero
Por Alejandro Espiño |
-
As aulas móbiles do instituto Valle Inclán instalaranse a partir do 12 de outubro
Por Natalia Puga |
-
A comisión de seguimento das obras do IES Valle Inclán reunirase antes do inicio do curso
Por Oskar Viéitez |
-
A ampliación do Carlos Oroza e a rehabilitación do Valle-Inclán centran o investimento de Educación para a reforma de centros educativos na provincia
Por Manu Otero |