O BNG pide ao Goberno central que libere os terreos da Xunqueira de Alba para crear unha gran zona verde
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
Néstor Rego, deputado do BNG no Congreso, acompañado polo alcalde de Pontevedra, Miguel Anxo Fernández Lores, e outros integrantes da formación nacionalista en Pontevedra visitaban os terreos da Xunqueira de Alba.
Desta forma, o BNG mostraba a súa reclamación para que se rexenere e conserve o conxunto do espazo verde próximo ao núcleo urbano de Pontevedra. Neste sentido demandan que se revertan as concesións administrativas que aprobou o Ministerio de Transición Ecolóxica e Reto Demográfico que afectan a unha superficie de 17 hectáreas e das que son beneficiarias, neste momento, distintas administracións públicas.
Este mércores o BNG lembraba que o caso do humidal da Xunqueira de Alba foi presentado ao Congreso durante esta lexislatura pola formación nacionalista, esixindo ao Goberno a reversión desas concesións e a aposta por rexenerar este espazo verde.
Néstor Rego entende que o Goberno debe renunciar de forma voluntaria e anticipada ás concesións e empregar a propia Administración do Estado e proceder á liberación dos terreos co obxectivo de destinalos a crear unha gran zona verde. O parlamentario lembrou que se trata dunha das zonas húmidas mellor preservadas nas Rías Baixas e de gran interese para as aves acuáticas migratorias constituíndo un lugar de cría, ademais de acoller outras especies de fauna e flora que, segundo expuxo, deben ser protexidas.
Indicou tamén que o MITECO debe promover a liberación dos terreos, comezar os contactos co resto de administracións concesionarias para concluír anticipadamente a ocupación do espazo promovendo a rexeneración ambiental integral do espazo protexido da Xunqueira de Alba e do conxunto do litoral de Pontevedra.
Rego e o alcalde de Pontevedra sinalaron que este caso exemplifica a necesidade de que o BNG conforme un "Grupo Galego Forte" en Madrid para condicionar as políticas do executivo estatal.
Relacionadas:
-
A DGT tamén está disposta a retirar o Centro de Exames da Xunqueira de Alba
Por Oskar Viéitez & Mónica Patxot |
-
O alcalde pide a Rueda que aclare a postura da Xunta sobre a liberación dos terreos que ocupa na Xunqueira da Gándara
Por Redacción |
-
Petición da Xunta ao Concello dunha proposta con financiamento para trasladar as súas instalacións da Xunqueira de Alba
Por Redacción |
-
Pontevedra reclama ao Estado a devolución de dúas parcelas sen uso na Xunqueira de Alba
Por Alejandro Espiño |
-
O Partido Socialista presenta as súas candidaturas ao 23X para "la defensa a ultranza de este territorio"
Por Oskar Viéitez |
-
Tirón de orellas do BNG ao Goberno por "bloquear" demandas históricas da cidade
-
A Deputación completa a demolición dos seus inmobles para a rexeneración da Xunqueira de Alba
Por Redacción |
-
Pontevedra insta formalmente á Xunta e ao Estado a abandonar a Xunqueira de Alba
Por Alejandro Espiño |