'Xogos na rúa' pecha o ano cun 'Escape de barrio' na Zona Monumental
Por Redacción
A zona monumental será na tarde deste martes, 27 de decembro, escenario dun divertido 'Escape barrio', a nova proposta de 'Xogos na Rúa', na que os equipos familiares participantes (nenos e maiores) terán que conxugar habilidade, enxeño e dotes de observación para superar distintas probas e conseguir completar o reto, ao tempo que coñecen máis do casco histórico da cidade.
O xogo comezará ás 17.00 horas na praza do Teucro e terá unha duración de dúas horas. As prazas están esgotadas.
'Xogos Na Rúa' Efecto PO2 son unhas xornadas lúdicas - promovidas pola Concellería de Promoción da Cidade, dirixida por Anabel Gulías- que convidan ás familias a ocupar distintas rúas e prazas da cidade co dobre obxectivo de converter o espazo público nun punto de encontro lúdico e interxeracional no que compartir xogos, risas e diversión e, por outra banda, nun escenario ideal para estreitar lazos de amizade, xerar empatía e solidariedade entre a veciñanza e construír barrio.
A falta da celebración da xincana interbarrios, suspensa o 11 de decembro a causa das previsións do tempo, o escape barrio pecha o calendario de actividade de 'Xogos na Rúa 2022'.
Relacionadas:
-
Xogos na rúa converte o barrio da Moureira no escenario da procura dun tesouro
Por Redacción |
-
Catro novos 'xogos na rúa' para o inverno pontevedrés
Por Redacción |
-
Os xogos populares, ao poder no segundo Campionato Interbarrios
Por Redacción & Cristina Saiz |
-
Os barrios de Mollavao, Valdecorvos e A Moureira súmanse esta fin de semana aos Xogos na rúa
Por Redacción |