![](/web/cache/scene/uploads/fotos/foto/cea/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6378ccaf38-whatsapp-image-2022-11-19-at-12.54.00-1-.jpeg)
© Concello de Pontevedra
Gastroturismo, natureza e modelo de cidade, referentes turísticos de Pontevedra en Intur
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/9cb/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6378cc65dd-whatsapp-image-2022-11-19-at-12.54.00.jpeg)
© Concello de Pontevedra
![](/web/cache/scene/uploads/fotos/foto/7af/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6378ccfad6-whatsapp-image-2022-11-19-at-12.54.01.jpeg)
© Concello de Pontevedra
Yoya Blanco, concelleira de Promoción Económica e Turismo, xunto ao concelleiro de Desenvolvementeo Sostible e Medio Natural, Iván Puentes, promoven a imaxe de Pontevedra na Feira Internacional de Turismo de Interior (Intur), que se celebra estes días en Valladolid.
Durante este evento preséntase a segunda parte do vídeo promocional da cidade que protagoniza Paco, un PTV que saca o chándal do armario coa intención de poñerse en forma ante as tentacións gastronómicas que ofrece Pontevedra.
Ademais, tamén se defende a posición de loita contra o cambio climático e de renaturalización dos espazos naturais e dos ríos. Durante a xornada do venres 18 explicaron en persoa os dous concelleiros da agrupación socialista as apostas de Pontevedra no recinto feiral da capital valisoletana.
"Somos unha potencia no terreo da gastronomía e non hai outro lugar, nin en España nin no resto do mundo, que conte con produtos do mar e do campo con tanto sabor e calidade", afirma Yoya Blanco que traslada esta mensaxe de potente atractivo turístico neste encontro referencial do turismo de proximidade con máis dun milleiro de destinos expostos.
A aposta de Pontevedra como modelo de cidade verde e azul, a través da estratexia Pontevedra Flúe, tamén conta con gran aceptación en Intur. Os proxectos financiados con fondos europeos permitirán restaurar a vella ponte do ferrocarril sobre o Lérez, renaturalizar un tramo do río dos Gafos e construír o primeiro parque de xogos de auga da cidade, entre outras actuacións.
Relacionadas:
-
Edís de Ponferrada visitan Pontevedra para adoptar o seu modelo urbano
Por Redacción |
-
Entrega dun milleiro de árbores autóctonas para concienciar sobre os riscos do cambio climático
Por Redacción |
-
Pontevedra Capital Gastro presenta os seus proxectos para o próximo ano con novos eventos como "M2, Música e marisco"
Por Oskar Viéitez & Mónica Patxot |
-
A Deputación valora como "éxito rotundo" a súa presenza na Feira Internacional de Turismo do Interior
Por Redacción |
-
Cuenca será a Capital Española da Gastronomía 2023 tras impoñerse a Pontevedra e Oviedo
Por Alejandro Espiño |
-
Pontevedra preséntase na Feira Internacional do Turismo de Interior como “a cidade onde mellor se vive e come do mundo”
Por Redacción |
-
Pontevedra compartirá experiencias sobre renaturalización e loita contra o cambio climático en Vitoria
Por Redacción |
-
Pontevedra mostra o seu plan de acción para renaturalizar a contorna dos ríos e loitar contra a emerxencia climática
Por Manu Otero |