Pontevedra Capital Gastro presenta os seus proxectos para o próximo ano con novos eventos como "M2, Música e marisco"
Por Oskar Viéitez & Mónica Patxot
A concelleira de Promoción Económica e Turismo, Yoya Blanco presentou este martes os eixos do proxecto Pontevedra Capital Gastro para o próximo ano, nunha rolda de prensa na que participou a investigadora e divulgadora gastronómica Eva Ballarín, membro do Consello Nacional de Turismo de España.
A proposta Pontevedra Capital Gastro 2023 quere promover a calidade dos produtos locais e que os negocios do municipio conten cunha ferramenta de venda cara ao exterior de forma que se beneficie tanto a hostalería como o turismo e o sector da alimentación.
Baixo esta marca de Pontevedra Capital Gastro "totalmente consolidada", segundo Yoya Blanco, organizáronse ao longo deste ano unha serie de eventos como o concurso Pontedetapas, a Festa das Cunchas, o Avoa Fest, Pontealmorzo, a feira das reposterías e panaderías da cidade, a incubadora de proxectos gastronómicos Gastro Lab ou o evento Mestizaxes para poñer en valor as cociñas de fóra de Galicia que se practican na Boa Vila, entre otrtas iniciativas.
Yoya Blanco aínda non desvelou se a cidade de Pontevedra volverá presentar a súa candidatura para ser Capital española da Gastronomía no 2024, pero se que confirmou que unha das iniciativas vinculadas a este recoñecemento poñerase en marcha igualmente como é a creación dunha oficina permanente no Mercado.
"Esto va a traer consigo una dinamización importante dentro del Gastroespazo porque habrá un montón de eventos", comentou a concelleira que tamén adiantou que "en breve" sacaranse a licitación os postos baleiros nesta primeira planta da Praza de Abastos.
Así, entre as actividades complementarias previstas por Capital Gastro, preténdese "generar experiencias con sello de calidad de los productos", a presentación dunha guía de produtos de tempada, tamén se quere lanzar o evento "M2, Música e marisco" e está previsto asistir a feiras gastronómicas e turísticas de relevancia para dar a coñecer o que aquí se fai.
Eva Ballerín debullou as accións e o plan de traballo "calendarizado" deseñado para o Capital Gastro 2023 co triplo obxectivo de "estimular la economía, hacer crecer la actividad empresarial de la ciudad y convertir a Pontevedra en un referente del turismo gastronómico".
Os eixos vertebradores desta proposta son a "gastronomía socialmente responsable", xunto á sustentabilidade, a dieta atlántica vinculada ao territorio e a innovación "para seguir creciendo".
Por último, Yoya Blanco lembrou que para todas estas actividades logrouse uns 420.000 euros de financiamento europeo dos fondos Next Generation.
Relacionadas:
-
'Mestizaxes' volve a reunir á cociña internacional da Boa Vila
Por Álvaro Arosa Barco |
-
O Mercado de Abastos acollerá un obradoiro de teatro de improvisación
Por Redacción |
-
A cociña pontevedresa, de premio en premio
Por Alejandro Espiño |
-
O 'vacalao' de El Cafetín e os canalóns de xarrete do Gumer, gañadores de Pontedetapas
Por Redacción |
-
Os premios "Turismo Sostible Provincia de Pontevedra" recoñecerán a aposta das empresas polas boas prácticas
Por Redacción |
-
O primeiro Capital GastroLab' ten dous gañadores: 'O río como prato principal' e 'Spanishbox'
Por Redacción & Mónica Patxot |
-
O gastroespazo, sede dun 'think tank' sobre innovación e sustentabilidade gastronómica
Por Redacción |
-
Gastroturismo, natureza e modelo de cidade, referentes turísticos de Pontevedra en Intur
Por Redacción |
-
Cuenca será a Capital Española da Gastronomía 2023 tras impoñerse a Pontevedra e Oviedo
Por Alejandro Espiño |