Tamara González recollerá a acta de concelleira en substitución de Sergio Pereira no PP de Poio
Por Oskar Viéitez
O concelleiro do Partido Popular no Concello de Poio, Sergio Pereira, acaba de presentar a súa renuncia e será substituído na corporación municipal por Tamara González Oubiña, de 33 anos e veciña de Raxó.
O PP de Poio asegura que Pereira renuncia "por motivos laborais" e que xa hai meses comunicara aos seus compañeiros que non ía participar na candidatura ás próximas eleccións locais.
Agora adianta a súa marcha da Corporación de Poio "porque unha nova oportunidade laboral e o cambio de residencia que implica fan incompatible a súa permanencia na política local".
Coa súa renuncia a lista móvese e entra na corporación Tamara González Oubiña, número 9 nas pasadas eleccións municipais. Afronta con "moita ilusión" este final de mandato, e amosa o seu compromiso para traballar xunto aos seus compañeiros "de xeito incansable".
A súa incorporación ao grupo municipal no tempo que resta ata as eleccións "non será un problema para afacerse as dinámicas de traballo" xa que, como explican, os concelleiros reúnense semanalmente coa xunta local do partido, do que Tamara forma parte e, polo tanto, "coñece de primeira man os problemas de Poio.
Relacionadas:
-
PSOE e Avante Poio, unidos nun proxecto "conxunto e integrador" para as municipais
Por Alejandro Espiño |
-
Marga Caldas amplía as súas competencias no goberno local de Poio
Por Redacción |
-
Marga Caldas, ante o reto de "coller o legado de Nito e abrir un proxecto de futuro para Poio"
Por Alejandro Espiño & Mónica Patxot |