A mellora enerxética chega aos xulgados de Marín
Por Redacción
O director xeral de Xustiza, José Tronchoni Albert, visitou o edificio dos xulgados en Marín, para informar das obras de eficiencia enerxética que se licitaron este martes cun orzamento de case 262.000 euros. A previsión é que as actuacións de mellora comecen a finais de ano e se prolonguen durante tres meses.
Segundo sinalou o director xeral, o obxectivo é poñer á disposición do persoal e da cidadanía un edificio eficiente enerxicamente e que garanta a prestación de servizos nas mellores condicións de confort. Trátase de conseguir “unha optimización das instalacións e de reducir o consumo asociado á súa utilización”, apuntou.
Así, vanse retirar todas as carpinterías existentes, para a súa substitución por outras novas, ao igual que a iluminación. Tamén se vai modificar o acceso principal coa instalación de cortaventos e dunha porta automática. A maiores, vaise reparar a cuberta, coa incorporación de illamento no falso teito.
Na licitación da obra teranse en conta diversos criterios como a oferta económica, a redución do prazo de execución, medidas de promoción da conciliación ou o control de calidade, entre outros.
O prazo para a presentación de ofertas é ata o 5 de decembro, 26 días naturais a partir de mañá, día seguinte ao da publicación do anuncio no portal de contratos públicos de Galicia.
No seu percorrido polas instalacións, José Tronchoni salientou o compromiso da Xunta coa mellora das infraestruturas xudiciais, ás que destinará nos orzamentos do vindeiro ano 1,6 millóns só para obras de eficiencia enerxética.
Relacionadas:
-
Diego Calvo comproba a mellora enerxética executada pola Xunta no edificio dos xulgados en Marín
Por Redacción |
-
Renovación de 60 luminarias nas localidades marinenses de Xuncal e Igrexario
Por Redacción |
-
España aclara que só baixará ao Villa de Pitanxo se o piden os expertos que investigan o naufraxio
Por Alejandro Espiño | Creada e actualizada
-
Continúa o enredo xudicial polo naufraxio do Villa de Pitanxo ao pedir a Fiscalía que o investigue un xulgado de Vigo
Por Natalia Puga |