A Telleira será a sede galega de SEO Birdlife tras a súa rehabilitación
Por Redacción
O istmo da Lanzada e, por extensión, o litoral da ría de Arousa é un dos nove humidais máis importantes de España. Por iso é polo que non sexa de estrañar que a Sociedade Española de Ornitoloxía (SEO Birdlife) decidise fixar alí a súa sede en Galicia.
O edificio da Telleira, en Vilalonga, é o lugar elixido. O emblemático inmoble, que será rehabilitado a través dos fondos europeos Next Generation, cederase parcialmente a SEO Birdlife, segundo recollerá o convenio que a entidade asinará co Concello de Sanxenxo.
O contido do edificio xirará en torno ao medio ambiente e a recuperación desta fachada marítima e nel incluirase tamén as dependencias municipais de Medio Ambiente.
O convenio incluirá ademais o compromiso de SEO Birdlife de iniciar xa a actividade na zona como paso previo a un acordo de custodia do territorio que o colectivo xa ten con outros concellos españois.
"Este humidal é un dos mellores do norte de España tanto polo número como pola variedade de especies que chegan do norte de Europa a invernar a esta zona. Ten un valor natural incalculable que hai que protexer e dar a coñecer", destacou Gustavo Ferreiro, representante de SEO Birdlife en Pontevedra.
Na actualidade, A Telleira acolle a sede do Banco de Alimentos Rías Baixas, que se trasladará ao centro de Vilalonga, ao edificio do antigo mercado.
Para iso, este luns comezaron as obras de adecuación que permitirá dotar a este servizo dun edificio de 211 metros cadrados. Tras esta obra, o interior quedará distribuído cun almacén que será unha gran sala diáfana, un aseo adaptado e unha cámara de frío.
Faranse ademais traballos de illamento, pintado, fontanería e electricidade e mellorarase o acceso ás instalacións, dotando á entidade social dunhas instalacións máis modernas.
Relacionadas:
-
O proxecto de rehabilitación do Centro de Interpretación da Telleira ascenderá a 790.348 euros
Por Redacción |
-
Ceden un local municipal en Vilalonga para o Banco de Alimentos Rías Baixas
Por Redacción |
-
O acondicionamento da praza de abastos de Vilalonga como sede do Banco de Alimentos custará 32.112 euros
Por Redacción |
-
Sanxenxo e SEO Birdlife unen forzas para a conservación e divulgación do humidal do complexo intermareal Umia - O Grove
Por Redacción |
-
O Concello encarga o proxecto definitivo de posta en valor da Telleira e da senda entre A Fianteira e Os Pasales
Por Redacción |