O proxecto de rehabilitación do Centro de Interpretación da Telleira ascenderá a 790.348 euros
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Sanxenxo xa ten nas súas mans o proxecto definitivo de rehabilitación do Centro de Interpretación da Telleira, que tamén acollerá as oficinas da concellería de Medio Ambiente e será a única sede galega de SEO Birdlife.
Tras a rehabilitación, o edificio contará tamén cunha sala de exposicións permanente, unha sala de exposicións itinerante e un espazo de mostras audiovisuais. Ademais, a rehabilitación inclúe equipamento museográfico con paneis e monitores de televisión e dotación de elementos dixitais que faga máis atractiva e áxil a visita.
O proxecto definitivo está valorado en 790.348 euros que serán financiados a través dos fondos Next Generation.
Tal e como figura no proxecto difundido polo Concello esta fin de semana, o edificio conta cunha superficie total de 2.504 metros cadrados nunha parcela de 22.986 metros cadrados que limita cunha das lagoas de Rouxique.
A zona conta con relevantes figuras de protección: forma parte da Rede Natura 2000, é Lugar de Interese Comunitario (LIC) está protexido polo convenio internacional Ramsar de humidais e é Zona de Especial Protección de Aves (ZEPA).
O obxectivo é que o Centro de Interpretación da Telleira convértase nun centro de difusión dos valores ecolóxicos e etnográficos de toda a zona que fomente o turismo ambiental e ornitolóxico, especialmente nos meses de outono e inverno cando máis de 200 especies de aves elixen este humidal para invernar.
O Concello asinará un convenio con SEO Birdlife que incluirá o compromiso do colectivo de iniciar xa a actividade na zona como paso previo a un acordo de custodia do territorio.
O proxecto tamén detalla que a actuación persegue catro obxectivos: habilitar espazos independentes segundo usos sen xerar interferencias nin ruídos; dotar as instalacións de ventilación e climatización de máxima eficiencia enerxética. Inclúe a mellora de illamento do edificio e a drenaxe da cuberta; mellorar a eficiencia enerxética en todo o edificio; acondicionamento e mellora paisaxística de toda a parcela.
Relacionadas:
-
Este luns abren as inscricións para a ruta ornitolóxica "Voando nas Rías Baixas" polo Esteiro do río Miño
Por Redacción |
-
Manuel Rañó, presidente do Colexio Oficial da Arquitectura Técnica de Pontevedra: "a rehabilitación está tirando da construción"
Por Redacción |
-
Os doce proxectos cos que Telmo Martín quere liderar Sanxenxo cara 2027
Por Alejandro Espiño & Mónica Patxot |
-
A Telleira será a sede galega de SEO Birdlife tras a súa rehabilitación
Por Redacción |
-
O Concello encarga o proxecto definitivo de posta en valor da Telleira e da senda entre A Fianteira e Os Pasales
Por Redacción |