Enxeñaría Forestal estudará como incentivar os propietarios para que adapten os montes ao cambio climático
Por Redacción
Definir estratexias de resposta que permitan mellorar a resistencia e a capacidade de adaptación dos bosques europeos ante os efectos do cambio climático é o obxectivo central dun proxecto europeo chamado Resonate, no que participan 20 institucións e organismos de doce países, entre os que se atopa a Universidade de Vigo.
Entre as novas accións a desenvolver atópase o estudo sobre os incentivos a propietarios forestais para que adapten os seus traballos de silvicultura aos efectos do cambio climático, que a Escola de Enxeñaría Forestal de Pontevedra levará a cabo xunto coa Universidade de Copenhague e a Czech University of Life Sciences.
Como explica o director da escola de Enxeñaría Forestal, Juan Picos, existen "tres grandes perturbacións orixinadas polo cambio climático e que poderían ter efectos" sobre a xestión das masas forestais, como son "o aumento das secas e do risco de incendios e a posibilidade de que existan novas pragas que danen ao arborado".
A estas súmase un cuarto factor de análise, como son as implicacións que poden ter nos traballos silvícolas as políticas para contrarrestar o cambio climático, como restricións a determinado tipo de plantacións ou medidas orientadas "á recuperación da biodiversidade".
Partindo deste escenario, o obxectivo deste estudo será o de "determinar a capacidade dos propietarios forestais para modificar a súa silvicultura e que incentivos necesitarían para facelo", cuestións coma axudas económicas directas, á posibilidade de contar con "plantas melloradas ou resistentes a enfermidades" ou dispor de seguros ou de asesoramento.
Relacionadas:
-
Forestais lidera un proxecto para identificar zonas clave na prevención dos grandes incendios
Por Oskar Viéitez |
-
Juan Picos seguirá como director en funcións na Escola de Enxeñería Forestal do campus
Por Redacción |
-
A Boa Vila celebra o Día Internacional contra o Cambio Climático cunha carpa chea de iniciativas
Por Redacción |
-
O Comandante do Mando de Operacións felicita os militares despregados na 'Operación Centinela Gallego'
Por Redacción |
-
A oferta de obradoiros do campus inclúe animación, fotografía, cerámica, cogomelos, lingua de signos, escalada e robótica
Por Redacción |
-
Os incendios de Caldas e Vilagarcía non provocaron "danos significativos" no chan e na vexetación
Por Redacción |