Xa está operativo o aparcadoiro disuasorio nas proximidades do CEIP Lourido
Por Redacción
O concelleiro de Urbanismo, Gregorio Agís, e o responsable de Obras e Servizos, Julio Casás, pasaron revista este mércores ao terreo que o Concello vén de acondicionar nas inmediacións do CEIP Lourido e que poderá ser utilizado como aparcadoiro libre.
O espazo xa está a disposición da veciñanza e da comunidade escolar, logo do acordo acadado coa persoa propietaria da parcela, a quen tanto Agís como Casás expresaron o seu agradecemento pola súa colaboración á hora de facilitar a súa cesión.
Deste xeito, a área está xa lista para o comezo do curso, este xoves 8 de setembro. Ao longo dos últimos días os operarios municipais procederon á limpeza e posta a punto da superficie. Ademais, tamén se procedeu a habilitar unha sinalización vertical no acceso.
O acondicionamento deste aparcadoiro serve para dar resposta a unha demanda histórica realizada por parte da ANPA e da dirección do colexio de Lourido. Ata o de agora, a falta de espazos na estrada provocaba continuos atascos e embotellamentos á entrada do recinto, especialmente ás horas de entrada e saída do alumnado. Coa dotación desta parcela, gáñanse numerosas prazas de estacionamento a moi poucos metros do recinto escolar, ao tempo que tamén se reforza a seguridade viaria, ao quedar máis espazo para os peóns.
Maila que a superficie xa está operativa, os responsables de Urbanismo e Obras e Servizos sinalan que desde estas áreas farase un seguimento exhaustivo do estado da parcela. "Somos conscientes de que hai algunhas partes nas que pode acumularse auga se se producen choivas durante moitos días de xeito continuado. Son localizacións moi puntuais que non afectarán á capacidade para acoller a un gran número de vehículos, pero, en todo caso, estudaremos que medidas tomar en caso de que se chegue a esa situación", apuntaron os dirixentes municipais.
Relacionadas:
-
O Concello substitúe o firme de cemento por herba en parte do patio do colexio de Chancelas
Por Redacción |
-
O Concello de Poio aproba o plan de disposición de fondos
Por Redacción |
-
Medio centenar de alumnos queda sen comedor escolar no Instituto de Cotobade
Por Oskar Viéitez |
-
Día de festa na zona monumental pola volta ao cole
Por Mónica Patxot |
-
Poio apura os traballos nos colexios antes do inicio do curso escolar
Por Redacción |
-
Unha leira cedida para aparcar acabará cos problemas de tráfico na contorna do colexio de Lourido
Por Redacción |
-
A Xunta acometerá obras por 389.000 euros no colexio de Viñas
Por Redacción |