![](/web/cache/scene/uploads/fotos/foto/a14/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/62a89ffb15-clara1b-rafa-estevez.jpg)
© Deputación de Pontevedra - Rafa Estévez
Investigadores da Misión Biolóxica identifican 163 pés de viña en Santa Clara
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/403/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62a89fa1ac-clara1c-rafa-estevez.jpg)
© Deputación de Pontevedra - Rafa Estévez
Persoal da Misión Biolóxica de Galicia, un centro que depende do Consello Superior de Investigacións Científicas (CSIC), visitaba este martes a horta de Santa Clara. En colaboración con integrantes da Estación Fitopatolóxica de Areeiro (EFA), o equipo do Grupo de Viticultura, Oliveira e Rosa coa investigadora María del Carmen Martínez á fronte realizaba un percorrido polos viñedos do recinto.
No terreo recollían diferentes mostras de follas e outros elementos das vides co obxectivo de acometer unha análise ampelográfica das variedades de viña que se atopan plantadas nestes terreos que pertencían á congregación das monxas clarisas ata a súa adquisición polo Concello de Pontevedra.
Carmen Salinero, responsable da EFA, especifica que se identificaron un total de 163 pés de viña, 50 no claustro e 113 na zona da horta. Esta cifra supón un 49% de exemplares vexetais que se atopan na parte exterior do convento, segundo indican desde a Deputación de Pontevedra.
Durante esta exploración tamén se recolleron mostras de follas e outros elementos pertencentes aos pés de viña nos que había dúbidas sobre a variedade á que pertencen. En todo caso, durante a visita, o persoal técnico comprobou que a maioría pertencen a pés de uva catalá.
A partir de agora, no laboratorio, estudaranse as diferentes partes das plantas e a súa morfoloxía para elaborar unha clasificación atendendo á forma, á cor, ao tamaño e outras características como o acio, o sarmento, o pámpano ou a baga. Desta forma, os especialistas poderán determinar as variedades de forma definitiva.
O persoal do CSIC realizará dúas recollidas máis. A segunda será durante o verán para comprobar as características iniciais das cepas da viña noutra fase e, por último, en setembro ou outubro, en época de vendima.
Relacionadas:
-
"Oliveiras de Galicia", un proxecto pontevedrés de I+D que pretende fomentar as variedades autóctonas
Por Oskar Viéitez |
-
O CSIC nomea a Rafael Zas Arregui director da Misión Biolóxica de Galicia
Por Redacción |
-
Dúas citas científicas sitúan a Pontevedra como referente mundial
Por Oskar Viéitez |
-
Carmen Salinero propón un reto no inicio da Peregrina: "Sentídevos como eu me sinto, orgullosa da nosa Pontevedra!"
Por Cristina Saiz & Anxo Lourido |
-
A primeira semana de traballos arqueolóxicos en Santa Clara saca á luz máis de 2.000 restos e pavimentos
Por Oskar Viéitez |
-
Areeiro pide botar un ollo ás viñas a pesar da calor para evitar sustos na vendima
Por Redacción |
-
Elena Cartea, directora da Misión Biolóxica, nova vicepresidenta adxunta no CSIC
Por Redacción |
-
A Estación Fitopatolóxica do Areeiro convértese en laboratorio de referencia tamén para Portugal
Por Redacción |
-
Unha empresa de Verducido reduce ata nun 90% os gases de efecto invernadoiro que emite o xurro das granxas de vacún
Por Redacción |
-
Santa Clara contará co "maior e máis completo" estudo arqueolóxico da historia de Pontevedra
Por Redacción |
-
Viticultores non descartan atopar nas viñas de Santa Clara cepas que son "xoias desaparecidas"
Por Alejandro Espiño |
-
Primeiro paso para os estudos sobre Santa Clara, "unha cápsula no tempo que durante 750 anos estivo totalmente illada"
Por Natalia Puga |