A Pontevedrada achégase ao milleiro de rexistrados para a súa edición de 2022
Por Redacción
Aproxímase a data para a Pontevedrada 2022 organizada pola Asociación Amigos da Pontevedrada (ASAMPO).
A data escollida para celebrar a andaina solidaria entre Pontevedra e Santiago de Compostela é o próximo 23 de abril, encarando agora a última fase dunha inscrición que resultou polo momento moi positiva.
Segundo confirma a organización son 928 as persoas que se anotaron ata o 31 de marzo, coa particularidade que este ano como agradecemento e tras dous anos sen poder celebrar o evento todos os participantes serán nomeados socios de honra de ASAMPO, asociación que pretende concienciar á poboación sobre a importancia da doazón.
Ata o mércores 13 de abril será posible inscribirse á andaina, pero mentres tanto comezaranse a entregar os dorsais aos xa rexistrados. Será a partir deste luns 4 de abril na Casa Azul en horario de 19.00 a 21.00 horas.
Relacionadas:
-
Os marchosos máis solidarios: de Pontevedra a Santiago en menos de 12 horas para "salvar vidas"
Por Cristina Saiz & Redacción |
-
A Pontevedrada 2022 pecha o seu período de inscrición con 1.218 participantes
Por Redacción |
-
Desexos que difunden a doazón de órganos e tecidos e o botafumeiro axuda a cumprir
Por Natalia Puga |
-
Este 1 de febreiro ábrese a inscrición para a Pontevedrada
Por Redacción |
-
Bolsa dos Desexos, a iniciativa para promover a doazón de sangue, órganos e tecidos
Por Redacción |