Luns Choqueiro, martes de Entroidiños e mércores de loito polo Enterro da Sardiña
Por Redacción
Baixo o lema 'Luns Choqueiro... ensaio no Rueiro!', a Praza Pascual Veiga acollía durante a tarde do último día de febreiro actividades festivas con animación musical e sobremesas típicas destas datas, con participación de público infantil como antesala a este martes que volverá acoller un obradoiro de disfraces para menores de 12 anos no Pazo Emilia Pardo Bazán, entre as 11.00 e as 13.00 horas.
Na xornada do mércores 2, esta actividade de elaboración de disfraces desprazarase ao pavillón de Vilalonga. Para inscribirse previamente, debido ao límite de prazas, é necesario chamar ao teléfono 986.727.936 do Pazo Emilia Pardo Bazán.
A partir das 20.00 horas do mércores chegará unha das tradicionais citas do Entroido en Sanxenxo. Trátase do velorio e percorrido das principais rúas de Portonovo para acompañar o Enterro da Sardiña. O itinerario finalizará no recinto portuario. Na organización deste evento do Concello de Sanxenxo colaboran asociacións de Portonovo.
O sábado 5 chegará a oportunidade para a Festa do Jato en Portonovo con actividades ao longo de toda a xornada. O domingo celebrarase o concurso de parodias "feito na casa". Ás 17.00 horas comezará a modalidade infantil e ás 18.30 horas chegará a quenda dos adultos. A celebración será na Praza dos Barcos. As inscripcións atópanse abertas nesta ligazón do Concello.
Os premios infantís atópanse entre os 50 e os 200 euros mentres que na categoría de adulto e mixto, as contías dos galardóns móvense entre os 100 e os 500 euros.
Relacionadas:
-
Unha animada festa de disfraces pon o broche de ouro ao Entroido de Sanxenxo
Por Redacción |
-
Os 'jatos' toman as rúas de Portonovo para celebrar o seu particular Entroido
Por Redacción |
-
A Praza dos Barcos acollerá unha festa de disfraces tras suspenderse o concurso de parodias
Por Redacción |
-
O entroido da Lama substitúe as comparsas polas murgas
Por Redacción |
-
O concurso de parodias 'Feito na casa' sae á rúa con motivo do Entroido de Sanxenxo
Por Redacción |