Rueda, sobre un posible traslado de Ence a As Pontes: "Non parece lóxico vestir un santo a costa de desvestir outro"
Por Mónica Patxot & Anxo Lourido
O vicepresidente primeiro da Xunta de Galicia, Alfonso Rueda, falaba este luns en Santiago de Compostela sobre a posibilidade que expón Valentín García Formoso, líder do PSdeG e alcalde das Pontes, de que a fábrica pasteira de Ence sexa trasladada ao seu municipio. Nesas declaracións recollidas pola xornalista María Boullosa no Diario de Pontevedra, o secretario xeral dos socialistas galegos tamén indicaba que non se producira contacto algún entre o Concello das Pontes e o Ministerio para a Transición Ecolóxica e o Reto Demográfico neste sentido.
O representante do goberno autonómico entende que esta posibilidade de traslado supoñería crear postos de traballo nun municipio en detrimento de outro. Por este motivo, Rueda afirmou o seu compromiso cos postos de traballo en Pontevedra e alegou que "non parece lóxico vestir un santo a costa de desvestir outro". Pídelle a García Formoso que pense na globalidade de Galicia e cumpra co compromiso de que os postos de traballo mantéñanse en Pontevedra sen prexuízo de que poida haber instalacións noutros sitios.
Manifestou tamén que é unha mágoa que outros partidos digan que se teñen que perder eses postos de traballo en Pontevedra sen ofrecer alternativas para a localización da fábrica na contorna. Lembrou que o Goberno central, a través do secretario de Estado de Medio Ambiente, se comprometera a buscar unha alternativa preto de Pontevedra hai meses e esa proposta "era mentira" porque pasado o tempo segue sen saberse nada ao respecto, apuntou Rueda.
O vicepresidente tamén insistiu na aposta que a Xunta de Galicia realiza para que os terreos actuais da fábrica se adscriban ao Porto de Marín como solución para defender os postos de traballo e entende que empresas da contorna, pertencentes ao Grupo Nogar, tamén presentasen ou estuden presentar recursos ante o Tribunal Supremo contra as sentenzas da Audiencia Nacional que anulan a prórroga á fábrica pasteira para permanecer na ría. "Os empresarios son os que crean traballo e riqueza", indicou Rueda para explicar que "defenden riqueza e traballo que xa existe na comarca de Pontevedra a través de Ence e o que queren é que non se perda. É absolutamente lóxico", expresou o representante do executivo galego.
Relacionadas:
-
O Concello, tras a decisión do Supremo de admitir o recurso de ENCE: "Non agardábamos outra cosa"
Por Alejandro Espiño |
-
ENCE fixa entre 2023 e 2024 o peche da súa fábrica en Pontevedra se o Supremo non atende os seus recursos
Por Redacción |
-
Rafa Domínguez, portavoz do PP de Pontevedra: "Son moi pesimista co futuro de ENCE en Pontevedra"
Por Mónica Patxot & Anxo Lourido |
-
Rueda non ve "xusto" que o Goberno "abandone" a idea de manter ENCE en Pontevedra
Por Oskar Viéitez |
-
Feijóo insiste en adscribir ENCE ao porto de Marín e o Goberno apunta a As Pontes ou Cerceda
Por Alejandro Espiño |
-
CCOO recusa a Hugo Morán como interlocutor na Mesa sobre Ence ao temer que quere pechar a fábrica de Lourizán para favorecer a Asturias
Por Anxo Lourido |
-
O Goberno comprométese a crear un informe con alternativas para unha nova ubicación de Ence que contaría con financiación estatal
Por Mónica Patxot & Anxo Lourido |