Pontevedra Viva!

Máis +
Proba piloto para a reapertura do lecer nocturno na Pomada

© Cristina Saiz

O TSXG denega a petición da Xunta de pedir o certificado covid na hostalería

Oskar

Por Oskar Viéitez

O Tribunal Superior de Xustiza de Galicia (TSXG) denegou a petición da Xunta e rexeita autorizar xudicialmente que certos establecementos da a hostalería e o lecer nocturno teñan a obrigación de pedir aos clientes certificados covid.

O alto tribunal galego notificou este sábado a parte dispositiva dun auto cuxo contido íntegro dará a coñecer nos próximos días. 

A decisión xudicial chega despois de que a Xunta presentase este venres a petición de autorización. Os maxistrados tombaron este xoves a medida por afectar os dereitos fundamentais xa que a Xunta non solicitara a súa necesaria ratificación xudicial.

A última hora deste venres, o Goberno autonómico anunciou unha nova orde que modifica os aforos da hostalería. 

Unha alternativa prevista para este caso unha vez que o TSXG non avalou o certificado covid e que entrará en vigor ás 00.00 horas do martes. As medidas afectarían a todos os municipios. 

Nos concellos en nivel máximo, o interior dos negocios hostaleiros pecharase. No nivel alto, pasarían dun aforo do 50% con certificado ao 30% coas novas normas.

 

Relacionadas: