A tendencia á alza nos ingresos por covid mantense na área sanitaria con 24 hospitalizados
Por Diego Espiño
Lentamente, sobre todo pola protección que supón a importante porcentaxe de vacinados, pero as hospitalizacións na Área Sanitaria de Pontevedra e O Salnés manteñen unha tendencia á alza.
Por cuarta xornada consecutiva o número de ingresos hospitalarios incrementouse, segundo reflicte o balance diario ofrecido este mércores 21 de xullo polo Servizo Galego de Sáude. Así, 24 persoas infectadas por coronavirus evolucionan nos hospitais da comarca, o que supón tres máis que o martes. Deles 19 atópanse en planta entre o Complexo Hospitalario Universitario de Pontevedra (17), o Hospital do Salnés (1) e o Hospital QuirónSalud Miguel Domínguez (1), mentres que 5 permanecen na Unidade de Coidados Intensivos de Montecelo (sen cambios).
Estas cifras acompáñanse dunha nova xornada cun alto nivel de contaxios, ao sumarse nas últimas horas un total de 195 novos positivos. Esa positividade unido a que só se produciron 38 altas epidemiolóxicas fai que os casos activos se disparen ata os 2.258 (157 máis).
Desde o inicio da pandemia superaron o virus na área sanitaria 14.783 persoas, rexistrándose 181 falecementos de pacientes con positivo activo.
Nas últimas 24 horas o Sergas realizou en Pontevedra e O Salnés 1.234 probas PCR.
Relacionadas:
-
A área sanitaria achégase ao seu pico máximo de casos activos de covid con 2.485
Por Diego Espiño |
-
Vacinación completa ou proba negativa para acceder ao interior da hostalería dos concellos en nivel máximo e alto
Por Natalia Puga |
-
Detectan catro positivos entre 762 mozos na primeira xornada de autocita para cribados en Fexdega
Por Redacción |
-
Sanxenxo, O Grove, Meaño e Cambados pasan a nivel máximo e Pontevedra, A Illa, Vilagarcía, Vilanova , Marín e Poio a alto
Por Natalia Puga | Creada e actualizada
-
Pontevedra achégase ao seu récord de casos de covid-19 tras volver confirmar 81 positivos nun día
Por Natalia Puga |
-
Terceira xornada consecutiva con incremento de hospitalizados por covid tras detectarse 263 novos contaxios
Por Diego Espiño |
-
Un paciente menos na UCI (4) pero máis hospitalizados por covid na área sanitaria no inicio da semana
Por Diego Espiño |
-
156 novos contaxios de covid, 1.797 casos activos e 16 hospitalizados na área sanitaria
Por Diego Espiño |