156 novos contaxios de covid, 1.797 casos activos e 16 hospitalizados na área sanitaria
Por Diego Espiño
A explosión de novos casos na área sanitaria de Pontevedra e O Salnés empeza a atenuarse aínda que os positivos seguen sendo elevados, segundo reflicte a actualización de datos sobre a pandemia realizada este domingo 18 de xullo polo Servizo Galego de Saúde.
Este balance sinala que nas últimas 24 horas sumáronse 156 novos positivos na área pontevedresa (polos 221 do sábado e os 304 do venres), o que fai que os casos activos suban ata os 1.797, é dicir, 88 máis ao darse 68 altas epidemiolóxicas a pacientes afectados polo virus.
Ademais o número de hospitalizados incrementouse en tres persoas para un total de 16. Esa subida céntrase nos pacientes que evolucionan en planta, con 11 repartidos entre o Complexo Hospitalario Universitario de Pontevedra (9), o Hospital QuirónSalud Miguel Domínguez (1) e o Hospital do Salnés (1), mentres que a Unidade de Coidados Intensivos de Montecelo conta con 5 pacientes covid, mesma cifra que o sábado.
Desde o inicio da pandemia superaron a infección 14.642 persoas na área sanitaria, rexistrándose 181 falecementos de pacientes con positivo activo.
En canto á realización de probas de detección, o Sergas informa que se fixeron 950 PCR nas últimas 24 horas.
Relacionadas:
-
A área sanitaria achégase ao seu pico máximo de casos activos de covid con 2.485
Por Diego Espiño |
-
A tendencia á alza nos ingresos por covid mantense na área sanitaria con 24 hospitalizados
Por Diego Espiño |
-
Terceira xornada consecutiva con incremento de hospitalizados por covid tras detectarse 263 novos contaxios
Por Diego Espiño |
-
A pandemia segue sen control e deixa en Pontevedra a cifra de positivos máis alta en cinco meses
Por Natalia Puga |
-
Un paciente menos na UCI (4) pero máis hospitalizados por covid na área sanitaria no inicio da semana
Por Diego Espiño |
-
A UCI de Montecelo sobe a cinco pacientes covid ingresados, aínda que baixan as hospitalizacións totais
Por Diego Espiño |
-
Abren un CovidAuto no Hospital Montecelo para aumentar a capacidade de diagnóstico
Por Natalia Puga |
-
Os contaxios, desbocados na área sanitaria: 304 novos infectados desde onte
Por Alejandro Espiño |
-
Sanxenxo, o municipio da área sanitaria con peor evolución en plena quinta vaga da pandemia
Por Alejandro Espiño |
-
Baixan as hospitalizacións mentres que os contaxios seguen disparados
Por Oskar Viéitez |