A praia fluvial estreará o servizo de socorrismo o 1 de xullo
Por Redacción
O vindeiro xoves 1 de xullo a praia fluvial situada no río Lérez ao seu paso por Pontevedra estreará servizo de socorrismo para este verán.
Segundo anunciou a concellería de Desenvolvemento Sostible e Medio Natural, tras instalarse o balizamento perimetral na zona de baño coa incorporación dos socorristas de dará inicio á tempada alta cun servizo que se prolongará ata o próximo 31 de agosto.
En concretoo o departamento dirixe o socialista Iván Pontes contratou á empresa Salvar, Formar e Socorrer SL para a prestación deste servizo, que permitirá contar con vixilancia en horario de 12:30 a 20:30 horas.
"A praia fluvial do río Lérez contará sempre neste horario cun socorrista, como mínimo, tanto nos días de semana como nas fins de semana, reforzándose o servizo polas tardes, de luns a venres, nas que haberá dous socorristas", explicou o edil.
A empresa contratou tres socorristas para desempeñar este labor durante o verán.