O Concello pon a mirada na praia de Ponte Sampaio: instala baños e estuda contratar socorristas
Por Redacción
O Concello de Pontevedra puxo o foco na praia fluvial de Ponte Sampaio, da que sinalan que é "un dos espazos máis concorridos do Concello", e acaban de mellorar o servizo que ofrece á cidadanía coa instalación de casetas de baño con vestiarios. Ademais, estudan dotar o areal dun servizo que ata agora non tiña: socorristas contratados pola Administración local.
Ata agora, cada ano, o servizo de socorrismo corría a cargo de Cruz Vermella, que enviaba socorristas a este areal durante as fins de semana e festivos. Este ano, o Concello anuncia que analiza "a contratación de socorristas para a velar pola seguridade do areal durante o verán".
Ademais, analiza se é preciso achegar area, decisión que se adoptará nos vindeiros días, segundo informa o Concello a través dun comunicado.
O Concello de Pontevedra comezou nos últimos días o acondicionamento dos areais do ámbito rural de Pontevedra para que estean listos na época estival e unha das medidas xa realizadas foi, precisamente, en Ponte Sampaio, coa instalación dos citados baños.
As dúas casetas de baño con vestiarios abrirán o vindeiro martes 1 de xuño e estarán ao servizo de todos os usuarios da praia fluvial do Verdugo ata finais do mes de setembro.
Estes baños estarán atendidos por unha empresa que fará limpeza diaria neles e recollerá o lixo das papeleiras do espazo de lecer da Xunqueira.
Paralelamente, tamén traballa no acondicionamento do areal de Lourizán (a praia da Posta). Estase a contratar a achega de area e tamén a limpeza integral á que se somete este areal na véspera do verán para que poida usarse en óptimas condicións.
Relacionadas:
-
Reforzo de area, aseos, boias e socorristas a diario para a tempada de verán na praia de Ponte Sampaio
Por Natalia Puga & Mónica Patxot |
-
Veciños de Ponte Sampaio denuncian o "abandono" da zona do antigo campo de fútbol da Xunqueira
Por Redacción |
-
A praia de Ponte Sampaio terá socorristas a diario a partir de mañá
Por Alejandro Espiño |
-
A praia fluvial estreará o servizo de socorrismo o 1 de xullo
Por Redacción |
-
A do Lérez será "praia libre de fume" e contará con socorristas e balizamento a partir do sábado 27 de xuño
Por Oskar Viéitez |
-
Veciños de Ponte Sampaio esixen a presenza de vixiantes na praia durante toda a semana
Por Manu Otero |
-
As praias fluviais de Pontevedra, "a pleno rendemento" a partir do sábado
Por Alejandro Espiño |