A praia de Ponte Sampaio terá socorristas a diario a partir de mañá
Por Alejandro Espiño
Tras a decisión de Cruz Vermella de non seguir prestando, por cuestións operativas, o servizo de vixilancia e socorrismo na praia fluvial de Ponte Sampaio, o Concello confirma que haberá socorristas neste areal desde o día previsto, mañá 1 de xullo.
Será nas mesmas condicións que se presta na praia fluvial do Lérez. É dicir, de maneira diaria e en horario de 12:30 a 20:30 horas, a diferenza do que ocorría en anos anteriores, onde só estaban activos durante as fins de semana.
Haberá ademais un reforzo de catro horas en sábados, domingos e festivos, os días de maior afluencia.
Os socorristas, que foron contratados a través dunha empresa do sector, desempeñarán o seu labor en Ponte Sampaio ata o próximo 31 de agosto.
Esta é a primeira vez que, como reclamaban os veciños da parroquia, sexa o Concello o que se faga cargo directamente deste servizo.
Relacionadas:
-
Reforzo de area, aseos, boias e socorristas a diario para a tempada de verán na praia de Ponte Sampaio
Por Natalia Puga & Mónica Patxot |
-
A praia fluvial estreará o servizo de socorrismo o 1 de xullo
Por Redacción |
-
O Concello pon a mirada na praia de Ponte Sampaio: instala baños e estuda contratar socorristas
Por Redacción |