Aumentan a 32 os hospitalizados por covid-19 mentres os casos activos baixan ata 419
Por Alejandro Espiño
Tres hospitalizados máis deixou a covid-19 na área sanitaria de Pontevedra e O Salnés nas últimas horas. Con este aumento, os pacientes ingresados con coronavirus son 32.
A maior parte dos hospitalizados (17) están en sendo atendidos en Montecelo. Outros seis están no Hospital do Salnés. Non hai ningún paciente covid, pola súa banda, no QuirónSalud Miguel Domínguez de Pontevedra.
No caso dos críticos, que están ingresados na unidade de coidados críticos (UCI) de Montecelo, aumentaron a 9, os mesmos que había onte.
O resto dos que contraeron o virus, outras 393 persoas, atópanse illadas nos seus domicilios e recuperándose baixo supervisión médica.
En total, segundo o balance diario do Servizo Galego de Saúde, na área sanitaria hai este mércores 10 de marzo un total de 419 casos activos por covid-19. Son 23 menos que onte. Os novos contaxios, pola súa banda, foron 17.
Desde o inicio da pandemia 11.927 pacientes da área sanitaria superaron a covid-19, 40 nas últimas 24 horas, e rexistráronse 159 falecementos asociados ao virus.
En canto á realización de probas PCR, fixéronse na área sanitaria de Pontevedra e O Salnés un total de 171.064, 947 nas últimas horas. Delas, 15 deron positivo (1,58%). A estas probas súmanse as 87.141 seroloxías realizadas ata a data.
INCIDENCIA EN GALICIA
A nivel autonómico a Dirección Xeral de Saúde Pública informa que o número de casos activos de coronavirus en Galicia é de 3.257, 165 menos que o día anterior. Deles 1.196 son da área da Coruña, 282 da de Lugo, 208 da de Ourense, 419 da de Pontevedra, 573 da área de Vigo, 357 da de Santiago e 260 da de Ferrol.
Do total de pacientes positivos, 77 están en UCI, 289 en unidades de hospitalización e 2.891 no domicilio. Por agora, en Galicia hai un total de 108.520 persoas curadas, rexistrándose 2.283 falecementos.
Desde o inicio da pandemia realizáronse en Galicia 1.733.389 probas PCR, 6.937 nas últimas 24 horas, que permitiron detectar a 142 novos infectados.
Relacionadas:
-
As hospitalizacións de persoas positivas en covid baixan a 26 na área sanitaria, con 8 pacientes na UCI
Por Diego Espiño |
-
Os municipios da área sanitaria mantén a súa tendencia descendente no número de casos de covid-19
Por Redacción |
-
Sanidade rectifica e abre Cambados desde o venres tras revisar a súa situación "con detalle"
Por Alejandro Espiño |
-
Soutomaior, Ponte Caldelas, Vilanova de Arousa e Cambados quedan en nivel alto de restricións, tras o comité clínico
Por Redacción |
-
Os pacientes na UCI volven a ser 9 nunha área sanitaria con 442 casos activos pola covid-19
Por Alejandro Espiño |
-
Un home de 78 anos, vítima 159 do coronavirus na área sanitaria
Por Redacción |